މާލޭގައި ހަދަމުންދިޔަ ޢިމާރާތެއްގެ މަތިން ސިމެންތި ބަސްތާއެއް ވެއްޓި ބަންގްލަދޭޝްގެ ކުޑަކުއްޖެއްކަމަށްވާ ރައުޝަން ޖިއާން މަރުވި މައްސަލައިގައި ހިމެނޭ އެކަކު އެއް އަހަރަށް ޖަލަށް އަދި އިތުރު މީހަކު ތިން އަހަރަށް ޖަލަށްލުމަށް ކްރިމިނަލްކޯޓުން ހުކުމްކޮށްފިއެވެ.
ޢުމުރުން 8 އަހަރުގެ ޖިއާން މަރުވި މައްސަލާގައި ދައުވާކޮށްފައިވަނީ އިންޑިއާގެ ހަތަރު މީހަކާއި އެ ސައިޓްގައި މަސައްކަތް ބަލަހައްޓަމުންދިޔަ ސްޕަވައިޒަރާއި ޑަބްލިއު ކޮންސްޓްރަކްޝަންގެ މެނޭޖިން ޑިރެކްޓަރުގެ މައްޗަށެވެ.
މި މައްސަލާގައި ހިމެނޭ އެއް ބިދޭސީއަކު 6 އަހަރަށް ޖަލަށްލާން ހުކުމްކުރިއިރު އިތުރު ބިދޭސީއަކު 3 އަހަރަށް ޖަލަށްލުމަށް ވަނީ ހުކުމްކޮށްފައެވެ. ދެން މި މައްސަލާގައި ހިމެނޭ އަނެއް ދެ ބީދޭސީން ވަނީ 7200 ރުފިޔާއިން ޖޫރިމަނާކޮށްފައެވެ.
ސިމެންތި ބަސްތާ ވެއްޓުުނު ސައިޓްގެ ދިވެހި ސްޕަވައިޒަރުގެ މައްޗަށް މީހަކު މަރުވެ ދިޔުމުގެ އިހުމާލެއް ކުރުމުގެ ކުށުގެ ދައުވާ ސާބިތުވެ އޭނާވަނީ 100000 ރުފިޔާއިން ޖޫރިމަނާކޮށްފައެވެ.
ސިމެންތި ބަސްތާ ވެއްޓުނީ ޑަބްލިއު ކޮންސްޓްރަކްޝަންއިން ހަދަމުންދިޔަ އިމާރާތެއް ކަމަށްވާ މ.ނަލަހިޔާމަންޒިލްގެ މަތިންނެވެ. މި މައްސަލާގައި އެ ކުންފުނީގެ އެމްޑީ މައްޗަށް ދައުވާކުރި ނަމަވެސް އޭނާގެ މައްޗަށް ކުށް ސާބިތުވެފައެއްނުވެއެވެ.