ހައިވޭމަތިން ސައިކަލެއް ކަހާލިތަން ބަލަން މަޑުކުރި ސައިކަލެއްގައި ފަހަތުން އައި ސައިކަލެއް ޖެހި އެކްސިޑެންޓުވެއްޖެ
ބްރިޖް ހައިވޭގައި ސައިކަލެއް ކަހާލައިގެން ވެއްޓުނުތަން ބަލަން މަޑުކުރި ސައިކަލެއްގައި ފަހަތުން އައި ސައިކަލެއް ޖެހި އެކްސިޑެންޓުވެއްޖެއެވެ.
މި ހާދިސާގައި ކަހާލައިގެން ވެއްޓުނު ސައިކަލް ދުއްވަން އިން މީހާއަށާއި އެކްސިޑެންޓުވި ސައިކަލުގައި އިން މީހާއަށް އެކިވަރުގެ އަނިޔާތައް ވެފައިވާކަމަށް ފުލުހުން ވިދާޅުވެއެވެ. އަދި މި މީހުންނަށް މިހާރު ހުޅުމާލޭ ހޮސްޕިޓަލުގަިއ ފަރުވާދެމުންދާކަމަށްވެސް ފުލުހުން ވިދާޅުވެއެވެ.
މި އެކްސިޑެންޓު ހިނގިކަމުގެ މަޢުލޫމާތު ފުލުހުންނަށް ލިބިފައިވަނީ މިއަދު މެންދުރު 12:06ގައި ކަމަށް ފުލުހުން ވިދާޅުވެއެވެ.
މި އެކްސިޑެންޓުވި ސައިކަލަށާއި ކަހާލައިގެން ވެއްޓުނު ސައިކަލަށްވެސް އެކިވަރުގެ ގެއްލުން ވަނީ ވެފައެވެ. މި ހާދިސާގައި ކަހާލައިގެން ވެއްޓުނު ސައިކަލާއި އެކްސިޑެންޓުވި ދެ ސައިކަލް ދުއްވަން ތިބި މީހުންގެ އަތުގައިވެސް ލައިސަންސް އޮތްކަމަށް ފުލުހުން ވިދާޅުވެއެވެ.