ވީ.އައި.އޭގެ އައު ކާގޯ ޓަރމިނަލް ކޮމްޕްލެކްސް / ފޮޓޯ: އެމް.އޭ.ސީ.އެލް
ވެލާނާ އިންޓަރނޭޝަނަލް އެއަރޕޯޓްގައި ތަރައްޤީކުރަމުން އަންނަ ކާގޯ ޢިމާރާތުން މީހަކު ވެއްޓި ސީރިއަސް ހާނީއްކަތަކެއް ވެއްޖެއެވެ.
ޢިމާރާތުގެ ފުރަތަމަ ފަންގިފިލާއިން ވެއްޓި ސީރިއަސް އަނިޔާތަކެއް ލިބިފައިވަނީ ޢުމުރުން 27 އަހަރުގެ ބަނގްލަދޭޝްގެ ރައްޔިތަކަށެވެ. ފުލުހުން ވިދާޅުވީ، ވެއްޓުނު މީހާއަށް އެއަރޕޯޓްގެ ފަސްޓްއެއިޑުގައި ފަރުދެމުން އަންނަކަމުގެ މަޢުލޫމާތު ލިބިފައިވަނީ މިއަދު ހެނދުނު 08:20 ހާއިރު ކަމަށާ އޭނާގެ އެތެރެހަށްޓަށް ސީރިއަސް ހާނީއްކަތަކެއް ވެފައިހުރުމުން އިތުރު ފަރުވާއަށް އައިޖީއެމްޗަށް ގެންގޮސް ފަރުވާދޭންފަށާފައިވާކަމަށެވެ.
މި މައްސަލަ އިތުރަށް ތަޙްޤީޤްކުރަމުން އަންނަކަމަށް ފުލުހުން ވިދާޅުވެއެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ