ލެކިއުޓްގައި ދެދުވަހުގެ މުއްދަތައް ކުރިއަށްދާ "ފުރަ ކަލެކްޝަން 2019"ގައި މަރީ ހަލީމްގެ ޑިޒަިއިންތައް ދައްކާލައިފިއެވެ.
ފޭސްބުކާއި އިންސްޓަގްރާމްގައިވެސް ދަބަސް ވިއްކާ މަރީ ހަލީމްގެ އުފެއްދުންތަކަށް ގިނަ ބައެއްގެ ތަރުހީބުވެސްދަނީ ލިބެމުންނެވެ.
އަންހެން އަދި ފިރިހެނުންނަށް ޚާއްސަ ޑިޒައިންތަކަށް ދަބަސް ފަރުމާކުރާ މަރިޔަމް ޙަލީމް ބުނީ ވިޔަފާރިއެއްގެ ގޮތުގައި ކުރަން މިއީ ވަރަށް ރަނގަޅު ކަމެއްކަމަށެވެ. ބޭގްސް ބައި މަރީގެ ނަމުގައި ހިންގާ ޕޭޖުން ކަސްޓަމަރުން ބޭނުންވާގޮތަކަށް މަރީ ދަބަސް ފަހައިދެއެވެ. ޕީއެސްއެމް ނިއުސްއާ ވާހަކަދައްކަވަމުން މަރީ ބުނީ މިހާތަނަށް ވަރަށްބޮޑު ތަރުހީބެއް ލިބިފައިވާ ކަމަށާއި މަރީގެ އުފެއްދުންތައް ގިނަ ބަޔަކަށް ކަމުގޮސްފައިވާކަމަށެވެ.
މިހާރު ލެކިއުޓްގައި ކުރިއަށްދާ އެގްޒިބިޝަންގައި މަރީގެ 18 ދަބަހެއް ޑިސްޕްލޭކޮށްފައިވާއިރު އިއްޔެ ހަވާރުގެ ނިޔަލަށް 4 ދަބަސް ފިޔަވައި ހުރިހާ ދަބަހެއް ވަނީ ވިކިފައެވެ. މަރީގެ މިމަސައްކަތައް ގިނަ ބައެއްގެ އެހީތެރިކަން ލިބެމުންދާކަން އޭނާ ވަނީ ފާހަގަކޮށްފައެވެ. 2012ވަނަ އަހަރު ދަބަސް ފަހަން ފެށި މަރިޔަމް ހަލީމް އެންމެ ޝައުގުވެރިވާ އެއްކަމަަކީ ސްކެޗް ކުރުންކަން އޭނާ ފާހަގަކުރިއެވެ.