ޕްރޮފެޝަނަލް އެސޯސިއޭޝަން އޮފް ޑައިވިންގ އިންސްޓްރަކްޓަރޒް، ޕަޑިއިން ފީނާ މީހުންނަށް އަމާޒްކޮށްގެން 'ޕަޑީ މެމްބަރ ފޯރަމެއް' ރާއްޖޭގައި ބޭއްވުމަށް ނިންމައިފިއެވެ.
މިމަހުގެ 18 އިން 15 އަށް ބާއްވާ މި ފޯރަމަކީ ޑައިވް ކުލަބް މޯލްޑިވްސް އަދި ފުރަވެރި މޯލްޑިވްސް ރިސޯޓު ގުޅިގެން ބާއްވާ ފޯރަމެކެވެ. މިއީ މޫދާއި ކަނޑުފަޅުތައް ސާފުކޮށް ބަހައްޓާ ކުނިއެޅުމުންވާ ގެއްލުންތަކާއި ގުޅޭގޮތުން ހޭލުންތެރިކުރުމަށް ބާއްވާ ފޯރަމެކެވެ.
ފުރަވެރި މޯލްޑިވްސް ރިސޯޓުގައި ބާއްވާ މި ފޯރަމްގައި ކޮންމެ ދުވަހަކުވެސް ފީނުމުގެ ގިނަ ހަރަކާތްތަކެއް ކުރިއަށްދާނެއެވެ. ފީނަން ޝައުގުވެރިވާ ހުރިހާ ފަރާތްތަކަށް މި ހަރަކާތްތަކުގައި ބައިވެރިވުމުގެ ފުރުސަތު ހުޅުވާލެވިފައިވާކަމަށް ފުރަވެރި މޯލްޑިވްސް އިން ހާމަކުރެއެވެ.
މި ފޯރަމްގެ ތެރެއިން މީހުން ދިރިއުޅޭ ރަށަކަށް ޒިޔާރަތްކޮށް ސްކޫލް ކުދިންނަށް ތިމާވެށި ހިމާޔަތްކުރުމާއި ގުޅޭގޮތުން މައުލޫމާތު ދިނުމާއި، ރަށުތެރެއާއި ގޮނޑުދޮށް ސާފު ކުރުމުގެ ޕްރޮގްރާމްތައް ހިންގުން ހިމެނެއެވެ.