ނޫސްވެރިއާ ރިޟްވާން ޢަބްދުﷲ ގެ މަރުގެ މައްސަލާގައި ތުހުމަތު ކުރެވޭ 14 މީހެއްގެ ޕާސްޕޯޓް ހިފަހައްޓައިފިއެވެ.
ނޫސްވެރިޔާ އަޙްމަދު ރިޟްވާނާ ގުޅޭގޮތުން، ރިޔާސީ ކޮމިޝަނުން ކުރި ތަޙްޤީޤަށްފަހު 14 މީހެއްގެ ޕާސްޕޯޓް ހިފަހައްޓާފައިވާއިރު، ހިފެހެއްޓީ ކޮންބައެއްގެ ޕާސްޕޯޓްތަކެއްކަމެއް ހާމަކޮށްފައިނުވެއެވެ.
ރިޟުވާނުގެ މަރުގެ މައްސަލާގައި ކޮމިޝަނުން އެކުލަވާލި ރިޕޯޓުގައި ފާހަގަކޮށްފައިވާ ކަންތައްތަކާމެދު ޤާނޫނީ ގޮތުން އަޅަންޖެހޭ ފިޔަވަޅުތައް އަޅަމުންދާނެކަމަށް ރައީސުލް ޖުމްހޫރިއްޔާ އިބްރާހިމް މުހައްމަދު ޞާލިޙް ވަނީ ވިދާޅުވެފައެވެ.
ރިޟްވާންގެ މަރުގެ މައްސަލައިގައި ހިމެނޭ ބައެއް މީހުން މީގެ ކުރިން ސީރިއާއަށް ގޮސްފައި ކަމަށް އެމައްސަލައިގައި ރިޔާސީ ކޮމިޝަނުން އެކުލަވާލި ރިޕޯޓްގައި ބުނެފައިވެއެވެ. އަދި މިރިޕޯޓްގައި ރިޟުވާން ޖިހާދަށްގޮސް މަރުވެފައިވާކަން ދެއްކުމަށްޓަކައި އިމިގްރޭޝަންތެރެއިން ޕާސްޕޯޓެއް ހެއްދުމުގެ މަސައްކަތް ކުރެއްވިފައިކާންވެސް ހާމަވެއެވެ.
ރިޔާސީ ކޮމިޝަންތަކުގެ ޤާނޫނުގައި ވަނީ ހައްޔަރުކުރުމުގެ އަމުރާއި ޖިނާއީ ތަޙްޤީޤުތަކާ ގުޅޭ އެންމެހައި ކޯޓު އަމުރުތަކަށް ކޯޓުގައި އެދުމުގެ ބާރު ކޮމިޝަނަށް ލިބިގެންވާކަމަށެވެ.