ޗެލްސީ ދޫކޮށް ވާދަވެރި އާސެނަލަށް ބަދަލުވީ އައު ޗެލެންޖެއް ބޭނުންވެގެންކަމަށް ޑިފެންޑަރ ޑޭވިޑް ލުއިޒް ބުނެފިއެވެ.
ޑޭވިޑް ލުއިޒް އާސެނަލަށް ބަދަލުވީ އަށް މިލިއަން ޕައުންޑްގެ ފީއަކަށެވެ. އާސެނަލުން ލުއިޒް ގަތީ ކެޕްޓަން ލޯރެންޓް ކޮޝިއެލްނީ ކުލަބު ދޫކޮށްލުމުން އޭނާ ނެތްތަން ފޫބައްދަންވެގެންނެވެ.
އާސެނަލްގެ ޖަރޒީގައި ކުޅުނު ފުރަތަމަ މެޗަށްފަހު ލުއިޒް ބުނީ ވާދަވެރި ކުލަބަކަށް ބަލަވި މައިގަނޑު ސަބަބަކީ ކޯޗު ލަމްޕާޑްކަމަށެވެ. ލަމްޕާޑް ޗެލްސީގެ ކޯޗުކަމާއި ހަވާލުވެ އޭނާވަނީ ލުއިޒްއަށް ޗެލްސީގެ ފުރަތަމަ އެގާރައިން ފުރުސަތު ލިބުމުގެ ފުރުސަތު ކުޑަކަމަށް ބުނެފައެވެ. އަދި ލުއިޒްއަށް އާސެނަލުން ބިޑުކުރުމުން ލުއިޒް ކުލަބުގައި މަޑުކުރުވަން ބޭނުން ނުވާކަމަށްވެސް ލަމްޕާޑް ބުނިއެވެ.
ލުއިޒް ބުނީ ކޯޗު ބޭނުންނުވާކަން އެނގިހުރެ ޗެލްސީގައި މަޑުކުރަން ބޭނުންނުވާކަމަށާއި، ބޭނުންވީ އައު ޗެލެންޖަކާއިއެކު ކުރިމަތިލާންކަމަށެވެ.
އައު ޓީމާއިއެކު ފުރަތަމަ މެޗުން މޮޅެއް ހޯދުނީތީ އުފާކުރާކަމަށާއި، މި ކުލަބުގެ ސަޕޯޓަރުންކީ މަރުޚަބާއަށްވެސް ލުއިޒްވަނީ ހިތްހަމަޖެހުން ފާޅުކޮށްފައެވެ.