ދިހަވަނަ އިންޑިއަން އޯޝަން އައިލެންޑް ގޭމްސް ނިންމާ ރާއްޖޭގެ ކޮންޓިންޖެންޓް މިއަދު އެނބުރި ރާއްޖެ އައުމަށް ހަމަޖެހިފައިވާ ކަމަށް ސްޕޯޓްސް މިނިސްޓަރ އަޙްމަދު މަޙްލޫފު ވިދާޅުވެއްޖެއެވެ.
މިނިސްޓަރ މަޙްލޫފު ވަނީ މި ގޭމްސްގައި ރަންވަނަތައް ހޯދައިދިން ކުޅުންތެރިންނަށް މާލެއިން މަރުހަބާ ކިޔުމަށް މިއަދު ހަވީރު 4:00އަށް ކުދި ބޮޑު އެންމެން ޖުމްހޫރީ މައިދާނަށް އެއްވުމަށް އެދިވަޑައިގެންފައެވެ. އަދި ޓީމަށް މަރުހަބާ ކިޔުމަށް ދާއިރު ކޮންމެ މީހަކުވެސް ފެއްސާއި ރަތާއައި ހުދު ކުލައިގެ ހެދުމެއްގައި އައުމަށްވެސް މިނިސްޓަރ ވަނީ އެދިވަޑައިގެންފައެވެ.
މިމަހުގެ 19 ވަނަ ދުވަހު ފެށި އިންޑިއަން އައިލެންޑް ގޭމްސް، އައިއޯއައިޖީގައި ރާއްޖެއިން ވަނީ 15 މެޑަލް ހޯދާފައެވެ. އެއީ 4 ރަން މެޑެއްޔާއި 4 ރިހި މެޑަލް އަދި 8 ލޯ މެޑެލެވެ.
އައިއޯ އައިޖީގެ 11 ވަނަ މުބާރާތް 2023ވަނަ އަހަރު ބޭއްވުމަށް ހަމަޖެހިފައިވަނީ ރާއްޖޭގައެވެ.