ރައީސް ޔާމީނާ ދެކޮޅަށް ވަކާލާތު ކުރެއްވި ދައުލަތުގެ ވަކީލާގެ މައްސަލަ ސްޕްރީމްކޯޓަށް ހުށަހަޅައިފި
މަނީ ލޯންޑަރިންގެ މައްސަލާގައި ރައީސް ޔާމީނާއި ދެކޮޅަށް ވަކާލާތު ކުރެއްވި ދައުލަތުގެ ވަކީލާގެ މައްސަލަ ސްޕްރީމްކޯޓަށް ހުށަހަޅައިފިއެވެ.
ކުރީގެ ރައީސް އަބްދުﷲ ޔާމީން ސޮއިކުރައްވައި އުއްތަމަފަޑިޔާރަށް އެޑްރެސްކޮށް ފޮނުވާފައިވާ ސިޓީގައި ވަނީ މަނީ ލޯންޑަރިންގެ މައްސަލައިގައި ކުރީގެ ރައީސް ޔާމިންގެ ބަންދުގެ މުއްދަތު އިތުރުކުރުމަށް ފެބުރުއަރީމަހު ކްރިމިނަލް ކޯޓުގައި ބޭއްވި އަޑުއެހުމުގައި އޭނާ ދޮގުހަދާފައިވާކަމަށެވެ.
އެގޮތުން އަޑުއެހުމުގައި މިމައްސަލާގައިހިމެނޭ ހެކިންނަށް ރައީސް ޔާމީން ރިޝްވަތު ހުށަހަޅުއްވާ ބަޔާނެއް ބަދަލުކޮށް ނުފޫޒު ފޯރުވާކަމަށް ދައުލަތުގެ ވަކީލާ ވިދާޅުވުމަކީ އިތުރުފުޅެއްކަމަށެވެ. ނަމަވެސް އޭނާ އެހެން ވިދާޅުވިކަމުގައި ވީނަމަވެސް ރައީސް ޔާމީން އެފަދަ ކަމެއް ކުރައްވަން މަސައްކަތް ކުރެއްވި ކަމުގެ ހެއްކެއް ނެތްކަމަށް ހައިކޯޓުން ވިދާޅުވެފައިކާން މިސިޓީގައި ފާހަގަކުރައްވާފައިވެއެވެ. ރައީސް ޔާމީންގެ މައްޗަށް ކޮށްފައިވާ މަނީ ލޯންޑަރިންގެ ދަޢުވާގެ ޝަރީއަތް ކްރިމިނަލްކޯޓުގައި މިހާރު ފަށާފައިވާއިރު އެންމެފަހުން ބޭއްވި އަޑުއެހުމުގައިވަނީ ހެކިން ހުށަހަޅަން ފަސްދުވަހުގެ މުއްދަތެއް ދީފައެވެ.
ދައުލަތުގެ ވަކީލާގެ މައްސަލަ ރައީސް ޔާމީންގެ ފަރާތްޕުޅުން ސްޕްރީމްކޯޓަށް ހުށަހަޅުއްވާފައިވާއިރު ދާދިފަހުން ފާސްކުރި ދިވެހިރާއްޖޭގެ ޤާނޫނީ ފަންނުގެ ބިލުގައިވާގޮތުން ޤާނޫނީ ވަކީލުންނާއިގުޅޭހުރިހާ ކަމެއް ނިންމާނީ އެ ޤާނޫނުގެ ދަށުން އުފައްދާފައިވާ ބާ ކައުންސިލުންކަމަށް ވަނީ ކަޑައަޅާފައެވެ.