ފުލުހުންގެ ބެލުމުގެ ދަށަށް ގެންދިޔަ ބަޑި / ފޮޓޯ: ޕޮލިސް މީޑިއާ
މިނާފުށް ލައްވާ ކުޅޭކުޅޭ ބަޑިއެއް ގެންގުޅުނު މައްސަލާގައި މީހަކު ހައްޔަރުކޮށް ސުވާލުކޮށްފިއެވެ.
ފުލުހުން ބުނީ މި ބަޑި ފެނިފައިވަނީ ރޭ ދަންވަރު 1:32 ކަންހާއިރު އިސްލާމިކް ޔުނިވާސިޓީގެ ފުރަގަހުގައި އޮންނަ ޕާކުގެ ތެރޭގައި ތިބި ބައެއްގެ ކައިރީގައި ބާއްވާފައި އޮއްވާކަމަށެވެ. އަދި މި މައްސަލާގައި 22 އަހަރު ދިވެއްސެއް ފުލުހުންގެ ބެލުމުގެ ދަށަށް ގެނެސް ސުވާލުކުރުމަށްފަހު ދޫކޮށްލާފައިވާކަމަށްވެސް ފުލުހުން ބުނެއެވެ.
ފުލުހުން ބުނީ ހައްޔަރުކުރި މީހާ ދޫކޮށްލިނަމަވެސް ބަޑި އޮތީ ފުލުހުންގެ ބެލުމުގެ ދަށުގައިކަމަށާއި އެ މައްސަލަ ތަހުޤީގުކުރަމުން ގެންދާކަމަށެވެ. އެހެންނަމަވެސް ބަޑި ފުލުހުންގެ ބެލުމުގެ ދަަށަށް ނެގި ސަބަބެއް ފުލުހުން ނުބުނެއެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ