ފަގީރުންގެ ގޮތުގައި ރަޖިސްޓްރީކުރި ފަރާތްތަކަށް ބޮލަކަށް 5000 ރުފިޔާ ފިޠުރު ޒަކާތުގެ ބަހާފައިވާކަމަށް އިސްލާމިކް މިނިސްޓްރީން ވިދާޅުވެއްޖެއެވެ.
އިސްލާމިކް މިނިސްޓްރީން އާއްމުކޮށްފައިވާ ތަފާސް ހިސާބުތައް ދައްކާގޮތުން މި އަހަރު ފިޠުރު ޒަކާތުގެ ގޮތުގައި 5.6 މިލިއަނަށް ވުރެ ރުފިޔާ ލިބިފައިވެއެވެ. މީ މިދިޔަ އަހަރާ އަޅާ ބަލާއިރު 1.3 މިލިއަން ރުފިޔާ އިތުރު އަދަދެކެވެ. މިިދިޔަ އަހަރު ފިޠުރު ޒަކާތުގެ ގޮތުގައި ލިބިފައިވަނީ 4.2 މިލިއަން ރުފިޔާއެވެ.
ރަމަޟާން މަހުގެ 29 ވަނަދުވަހު ފިޠުރު ޒަކާތް ބަހަން ފެށީ ރަމަޟާންމަހުގެ 29 ވަނަދުވަހުއެވެ. މާލޭ ސަރަހައްދުން 1000 ވުރެ ގިނަ މީހުން ވަނީ ފަގީރުންގެ ގޮތުގައި ރަޖިސްޓްރީކޮށްފައެވެ. މި ފަހަރު ފިޠުރު ޒަކާތް ދޫކުރީ މި އަހަރު އަލަށް އެކުލަވާލި ފަގީރުންގެ ދަފްތަރުގައިވާ ފަރާތްތަކަށެވެ.
ފަގީރުންގެ ގޮތުގައި މިއަހަރު ރަޖިސްޓްރީވި އަދަދު އިސްލާމިކް މިނިސްޓްރީން އަދި އާއްމެއް ނުކުރެއެވެ. މިދިޔަ އަހަރު ފަގީރުންގެ ދަފްތަރުގައި 16 ސަތޭކަ އަށްވުރެ މީހުން ރަޖިސްޓްރީކޮށްފައިވެއެވެ.