ބްރިޖު ހައިވޭގެ ރޯޑް ޑިވައިޑާސް ތައް ހަލާކުކޮށްލުމަށް ފަހު ފިލި ކާރު ގަރާޖެއްގެ ތެރޭގައި ފޮރުވާފައި އޮއްވާ ފުލުހުން ހޯދައިފިއެވެ.
މިއަދު ހެނދުނު 10 ޖަހާކަންހާއިރު މާލެ އިން ހުޅުމާލެއަށް ދަތުރު ކުރި ކާރަކުން ޖެހި ހައިވޭ ދެބައިކުރަން ޖަހާފައި ހުރި ޑްވައިޑާސް ތައް ވަނީ ފުނޑު ފުނޑުވެފައެވެ.
އަދި މި އެކްސިޑެންޓް ހިނގުމުން މަޑުނުކޮށް ވެހިކަލް ދިޔަކަމަށް ފުލުހުން ބުނެއެވެ. ޢަދި އެކްސިޑެންޓްވި ވެހިކަލް ގަރާޖެއްގެ ތެރޭގައި ޕާކުކޮށްފައި އޮއްވާ ފެނިފައިވާކަމަށާއި އެއީ ޕްރައިވެޓް ކާރެއްކަމަށްވެސް ފުލުހުން ބުނެއެވެ.
ހައިވޭގައި ހިނގި އެކްސިޑެންޓްތަކުގައި އެތައް ފަހަރެއްގެ މަތިން ޑިވައިޑާސްތައް ހަލާކުވެފައިވެއެވެ. ޢަދި އެމަގުގެ އެއްބައިގައި ބެހެއްޓި ޑިވައިޑާސްތަކުން މިހާރު ފެންނަން ހުރީ މަދު އެއްޗެކެވެ.
ހައިވޭގައި ހުރި ޑިވައިޑާސްތަކުން ހަލާކުވި ތަންތަނުގައި އަލުން އަދި ޑިވައިޑާސް ބަހައްޓާފައެއް ނުވެއެވެ. އަދި އެކްސިޑެންޓްތަކުގައި ލިބުނު ގެއްލުމުގެ ތަފްސީލެއް އަދި އެޅި ފިޔަވަޅެއްވެސް މިހާތަނަށް ފުލުހުން ނުބުނެއެވެ.