މިއަދު އީދު ނަމާދަށް ދިޔަވަގުތު މާލޭގެ ގެއަކުން ގިނަ އަދަދެއްގެ ފައިސާ ވަގަށް ނަގައިފިއެވެ.
ފުލުހުން ބުނީ އީދު ނަމާދު ވަގުތު ވައްކަން ކޮށްފައިވަނީ މައްޗަންގޮޅީ ގެއަކުންކަމަށާއި އެގެއިން 60000 ރުފިޔާ ވަގަށް ގެންގޮސްފައިވާކަމަށް ފުލުހުން ބުނެއެވެ. އަދި އެގެއަށް ވަދެ ވައްކަންކޮށްފައިވަނީ އެގޭގެ ކުޑަދޮރު ހަލާކުކޮށްލައިގެން ވަދެކަމަށްވެސް ފުލުހުން ބުނެއެވެ.
ފިތުރު އީދުގެ ބަންދާއި ދިމާކޮށް ވައްކަން ކުރާ ފަރާތްކަށް ފުރުސަތު ނުލިބޭނެ ގޮތަށް ކަންކަން ރޭވުމަށް ފުލުހުން ވަނީ އިލްތިމާސްކޮށްފައެވެ. ފުލުހުން ވަނީ އަތުގައި ގިނަ އަދަދެއްގެ ފައިސާ ގެންގުޅުމުގެ ބަދަލުގައި ކޭޝް ކާޑު ގެންގުޅުމަށާއި ރަށުން ބޭރަށް ދަނަމަ ނުވަތަ ގައިން ބޭރަ ދާނަމަ ދޮރު ރަނގަޅަށް ތަޅުލާފައި ދިޔުމަށް އިލްތިމާސްކޮށްފައެވެ. އަދި ފަހަކަށް އައިސް ހިނގާފައިވާ ގިނަ ވައްކަންތަކަކީ ދުރާލައި ރާވައިގެން ހިނގި ކަންކަން ނޫންކަމަށާއި ލިބޭ ފުރުސަތުގައި ކޮށްފައިވާކަންކަމަށް ނުވުމުން އެ ފުރުސަތު ނުދިނުމަށް ވިހާވެސް ބޮޑަށް ސަމާލުކަންދިނުމަށްވެސް ފުލުހުން ވަނީ އިލްތިމާސްކޮށްފައެވެ.