ރައްޔިތުންގެ މަޖިލީހުގެ ރާއީސާއި ނާއިބުރައީސް ފިޔަވައި މަޖިލީހުގެ ރިޔާސަތު ބަލަހައްޓަވާނެ 5 މެމްބަރުން މިއަދު މަޖިލީހުން ކަނޑައަޅުއްވައިފިއެވެ.
އެ 5 މެމްބަރުންނަކީ ވިލުފުށީ ދާއިރާގެ މެމްބަރު ހަސަން އަފީފާއި، މަރަދޫ ދާއިރާގެ މެމްބަރު އިބްރާހިމް ޝަރީފާއި ދ.މީދޫ ދާއިރާގެ މެމްބަރު އަހުމަދު ސިޔާމް މުހައްމަދާއި ހިތަދޫ އުތުރު ދާއިރާގެ މެމްބަރު މުހައްމަދު އަސްލަމާއި މާމިގިލީ ދާއިރާގެ މެމްބަރު ގާސިމް އިބްރާހީމެވެ.
މިއީ ރައްޔިތުންގެ މަޖިލީހުގައި މިވަގުތު ތިއްބެވި މެމްބަރުންގެ ތެރެއިން މަޖިލީހުގެ މެމްބަރުންގެގޮތުގައި އެންމެ ގިނަދުވަސްވަީ ފަސް މެމްބަރުންނެވެ. މިމެމްބަރުންގެ ޚިދުމަތުގެ މުއްދަތާއި ޚިދުމަތުގެމައްޗަށް އަލިއަޅުއްވާލައްވައު، މަޖިލީހުގެ ރައީސް, ރައީސް މުޙައްމަދު ނަޝީދުވަނީ މިއަދު ވާހަކަފުޅުދައްކަވާފައެވެ. އަދި ބައެއް މެމްބަރުންނަށް ވާހަކަފުޅުދެއްކެވުމަށް ފުރުސަތުވެސް އެރުއްވިއެވެ.
އޭގެތެރެއިން ވާހަކަފުދެއްކެވި މެމްބަރުން ވިދާޅުވީ މަޖިލީހުގެ ޤަވާއިސާއި އުސޫލުގެތެރެއިން އިންސާފުވެރިކަމާއެކު ޙަވާލުކުރެވުނު މަސްއޫލިއްޔަތު އަދާކުރައްވާނެކަމަށެވެ.
ރައްޔިތުންގެ މަޖިލީހުގެ ރާއީސާއި ނާއިބުރައީސް ފިޔަވައި މަޖިލީހުގެ ރިޔާސަތު ބަލަހައްޓަވަން ކަނޑައެޅުއްވި 5 މެމްބަރުން ރިޔާސަތު ބަލަހައްޓަވާނީ މަޖިލީހުގެ ރައީސާއި ނައިބު ރައީސަށް މަޖިލީހަށް ހާޒިރު ނުވެވޭ ހާލަތްތަކުގައެވެ.