ޅ މާބިންހުރާ ހިޔާނާތުގައި މައްސަލަގައި ކުރީގެ ނާއިބު ރައީސް އަހުމަދު އަދީބުގެ މައްޗަށް އިއްވާފައިވާ ހުކުމް ހައިކޯޓުން ބާތިލު ކުރި މައްސަލަ ސުޕްރީމްކޯޓަށް ހުށައެޅުމަށް ޕްރޮސެކިއުޓާރ ޖެނެރަލް ނިންމައިފިއެވެ. އަދި އަދީބުގެ ބަންދުގެ މުއްދަތު އިތުރުކުރަން ކުރިމިނަލްކޯތްގައި އެދުމަށް ނިންމާފައިވާކަމަށްވެސް ޕީޖީ އައިޝަތު ބިޝާމް ވިދާޅުވިއެވެ.
ޅ މާބިންހުރާއިން ދައުލަތަށް ލިބެންޖެހޭ 5 މިލިއަން ޑޮލަރަށް ހިޔާނާތްތެރިވި ކުށް ސާބިތުބެ 8 އަހަރަށް ޖަލަށް ލުމަށް ކުރިމިނަލްކޯޓުން ކުރި ހުކުމް މިދިޔަ ހަފްތާގައި ހައިކޯޓުން ވަނީ ބާތިލުކޮށްފައެވެ. ޢަދި އެ މައްސަލަ ބެލުމަށް ދަށުކޯޓަށް ވަނީ އަމުރުކޮށްފައެވެ. އެ މައްސަލަ އަލުން ބެލުމަށް 15 ދުވަހަށް އަދީބު ރިމާންޑް ޖަލެއްގައި ބަންދުކުރުމަށްވެސް ހައިކޯޓުން ވަނީ އަމުރުކޮށްފައެވެ. އަދި އެ މުއްދަތު ހަމަވުމުން އިތުރަށް ބަންދުގައި ބަހައްޓަން އެދޭނަމަ ޕީޖީ އޮފީހުން ކުރިމިނަލްކޯޓަށް ހުށައަޅައިގެން ކުރިޔަށް ގެންދިޔުމަށްވެސް ހައިކޯޓްގެ އަމުރުގައިވެއެވެ.
ޕްރޮސެކިއުޓަ ޖެނަރަލް އައިޝަތު ބިޝާމް ވިދާޅުވީ އަދީބުގެ މައްޗަށް އިއްވާފައިވާ 8 އަހަރުގެ ޖަލު ހުކުމް ބާތިލުކުރި މައްސަލަ ސުޕްރީމްކޯޓްގައި އިލްތިމާސްކުރަން ނިންމާފައިވާކަމަށެވެ. އަދި އެ މައްސަލަ މާދަމާ ސުޕްރީމްކޯޓަށް ހުށައަޅާނެކަމަށްވެސް ބިޝާމް ވިދާޅުވިއެވެ. އަދި ފިނިފެންމާ ލޯންޗްގައި އެއްޗެއް ގޮއްވާލި މައްސަލާގައި މުއްދަތުހަމަވުމުގެ ކުރިން މި މައްސަލަ ހުށައަޅުއްވާނެކަމަށްވެސް ޕީޖީ ބިޝާމް ވިދާޅުވިއެވެ.
ހައިކޯޓުން ވަނީ ހިޔާނާތުގެ މައްސަލާގައި އަދީބުގެ މައްޗަށް އިއްވާފައިވާ 8 އަހަރުގެ ޖަލު ހުކުމާއި ޓެރަރިޒަމްގެ މައްސަލާގައި އަދީބުގެ މައްޗަށް އިއްވާފއިވާ 15 އަހަރުގެ ޖަލު ހުކުމް ބާތިލުކޮށް އެ މައްސަލަތައް އަލުން ބެލުމަށް ކްރިމިނަލްކޯޓަށް އަމުރުކޮށްފައެވެ.
މި މައްސަލަތައް އަލުން ބެލުމަށް ހައިކޯޓުން ކުރިމިނަލްކޯޓަށް އަމުރުކުރިނަމަވެސް އެ މައްސަލަތައް ނުބަލާ އެ މައްސަލަތައް ޕްރޮސެކިއުޓަރ ޖެނެރަލްގެ އޮފީހަށް ފޮނުވާލާފައިވާކަމަށްވެސް ބިޝާމް ވިދާޅުވިއެވެ. އަދި އެ ދެ މައްސަލައިގެ އިތުރުން ޖުމްލަ 15 މައްސަލައެއް ކުރިމިނަލްކޯޓުން އެ އޮފީހަށް ފޮނުވާލާފައިވާކަމަށްވެސް ޕްރޮސެކިއުޓަރ ޖެނެރަލް އައިޝަތު ބިޝާމް ވިދާޅުވިއެވެ.
ޅ މާބިންހުރާއިން ދައުލަތަށް ލިބެންޖެހޭ 5 މިލިއަން ޑޮލަރަށް ހިޔާނާތްތެރިވި ކުށް ސާބިތުބެ 8 އަހަރަށް ޖަލަށް ލުމަށް ކުރިމިނަލްކޯޓުން ކުރި ހުކުމް މިދިޔަ ހަފްތާގައި ހައިކޯޓުން ވަނީ ބާތިލުކޮށްފައެވެ. ޢަދި އެ މައްސަލަ ބެލުމަށް ދަށުކޯޓަށް ވަނީ އަމުރުކޮށްފައެވެ.
މާބިންހުރާގެ ހިޔާނާތުގެ މައްސަލާގައި އަދީބުގެ ޖަލު ހުކުމް ހައިކޯޓުން ބާތިލުކުރިއިރު ހަމަ އެ މައްސަލާގައި އަދީބުގެ ގާތް އެކުވެރިންކަމަށްވާ އެމްއެމްޕީއާރުސީގެ ކުރީގެ އެމްޑީ އަބްދުﷲ ޒިޔަތާއި ވިޔަފާރިވެރިޔާ ހާމިދު އިސްމާއީލް އަށް ދަށުކޯޓުން އިއްވި ހުކުމަށް ހައިކޯޓުން ވަނީ މީގެ ކުރިންތާއީދުކޮށްފައެވެ.
ކުރީގެ ރައީސް އަބްދުﷲ ޔާމީން ދަތުރުކުރެއްވި ރިޔާސީލޯންޗްކޮޅުގައި އެއްޗެއް ގޮއްވާލާ ރައީސް ޔާމިން އަވަހާރަކޮށްލަން މަސައްކަތްކުރި މައްސަލާގައި އަދީބުގެ މައްޗަށް އިއްވާފއި އޮތް 15 އަހަރުގެ ޖަލު ހުކުމްވެސް ހައިކޯޓުން ވަނީ ބާތިލުކޮށްފައެވެ.
އަދީބު ފިސްތޯލައެއް ގެންގުޅުނު މައްސަލާގައި އަދިބަށް އިއްވި 10 އަހަރުގެ ހުކުމްވަނީ ސުޕްރީމްކޯޓުން ބާތިލުކޮށްޢެވެ. ޢެހެންކަމުން އަދީބުގެ މައްޗަށް އިއްވި ހުރިހާ ޖަލު ހުކުމެއް މިހާރުވަނީ ބާތިލުވެފައެވެ