މާލޭގެ އަމީނީ މަގުގައި ފެން ބޮޑުވި ދުވަހެއްގައި ސައިލެއްގައި މީހަކު ދުއްވާފައި އަންނަނީ -- ޕީއެސްއެމް ނިއުސް ފޮޓޯ / ޢަލީ ނަޞީރު
ބޯކޮށް ވާރޭ ވެހޭނެ ކަމަށް ލަފާކޮށް އުތުރާއި ދެކުނުގެ ރަށްތަކަށް ވައިޓު އެލަރޓު ނެރެފިއެވެ.
މޫސުމާއި ބެހޭ ޤައުމީ އިދާރާއިން ވިދާޅުވީ މިއަދު ހެނދުނު 11:15އިން ފެށިގެން ހަވީރު 16:00އާ ހަމައަށް ރ. އަތޮޅުން އައްޑޫ ސިޓީއާ ހަމައަށް ވައިޓު އެލަރޓު ނެރެފައިވާ ކަމަށެވެ. އެހެންކަމުން އެ ވަގުތުތަކުގައި ބޯކޮށް ވާރޭވެހި ގުގުރުންވެސް އެކަށީގެންވާ ކަމަށް އެ އިދާރާއިން ވިދާޅުވެއެވެ. މޫސުމާއި ބެހޭ ޤައުމީ އިދާރާއިން ވިދާޅުވީ ވިލާގަނޑުގައި 40 މޭލަށް ވައިގަދަވާނެ ކަމަށް ލަފާ ކުރެވޭ ކަމަށެެވެ.
މޫސުމާއި ބެހޭ ޤައުމީ އިދާރާއިން ލަފާކުރައްވާ ގޮތުގައި ކަނޑުުތައް އުތުރުގައި އާދައިގެ ވަރަކަށް މަޑުވާނެ އަދި އެހެންހިސާބުތަކުގައި އާދައިގެ ވަރަކަށް ގަދަވެފައި ވިލާގަނޑުގައި ގަދަވާނެއެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ