ދުނިޔޭގެ އެންމެ ކުރިއަރާފައިވާ 50 ޓެލެކޮމް ބްރޭންޑުތަކުގެ ލިސްޓުގައި އުރީދޫ ގުރޫޕު ހިމެނިއްޖެއެވެ. މި ލިސްޓުން އުރީދޫ މޯލްޑިވްސްއަށް ލިބިފައިވަނީ 41 ވަނައެވެ.
ޓެލްކޮމްސް 300 2019 ގެ ނަމުގައި ނެރެފައިވާ މި ލިސްޓުގައި ބުނެފައިވާގޮތުން އުރީދޫ ގެ ބުރޭންޑް ވެލިއުވަނީ 3.77 ބިލިއަން ޑޮލަރަށް އަރާފައެވެ.
މި ރިޕޯޓުގެ ގަދަ 50 ކުންފުނީގެ ތެރެއިން 41 ވަނަ އުރީދޫ ގުރޫޕަށް ލިބިފައިވާއިރު، މިދިޔަ އަހަރު އެ ކުންފުންޏަށް މި ލިސްޓުން ލިބުނު 43 ވަނަ އެވެ.
މީގެއިތުރުން އުރީދޫގެ ބުރޭންޑް ރޭޓިންގ ސްޓޭޓަސްވެސް ވަނީ އޭ.އޭ ޕްލަސްގައި ދަމަހައްޓާފައެވެ. އަދި އުރީދޫ ގުރޫޕްގެ ބްރޭންޑްގެ 'ސްޓްރެންތް އިންޑެކްސް' ވަނީ 77.4 ކަށް އިތުރުވެފައެވެ. މިދިޔަ އަހަރުގެ އުރީދޫގެ ބުރޭންޑު ސްޓްރެންތު އިންޑެކްސް ހުރީ 74.7 ގައެވެ.
ބްރޭންޑު ފައިނޭންސް ކުންފުނީގެ ފަރާތުން ތައްޔާރުކުރާ މި ލިސްޓަކީ ދުނިޔޭގެ މުވާސަލާތީ ޙިދުމަތްދޭ ކުންފުނިތައް ދިރާސާކޮށް، ކުންފުނިތަށް ގިންތި ކުރުމަށްފަހު އަހަރަކު އެއް ފަހަރު ނެރޭ ލިސްޓެކެވެ.
ބްރޭންޑު ފައިނޭންސްއިން ހާމަކުރާގޮތުގައި އުރީދޫގެ ޙިދުމަތްތައް ފުޅާކުރުމަށް ދުނިޔޭގެ އެކި ކަންކޮޅުތަކަށް އަމާޒުކޮށް 2013 ވަނަ އަހަރު އެކުންފުނިން ފެށި މަސައްކަތްތަކާއި އެކު، އުރީދޫގެ ބްރޭންޑްގެ ވެލިއު އަހަރަކަށް ވުރެ އަހަރެއް އިތުރުވަމުން ދާ ކަމަށެވެ.
އުރީދޫއިން ދަނީ މެދުއިރުމަތީގެ ޤައުމުތަކާއި، އުތުރު އެފްރިކާގެ ޤައުމުތަކާއި އޭޝިއާގެ ޤައުމުތަކުގައި ފުޅާ ދާއިރާއެއްގެ މުވާސަލާތީ ޙިދުމަތްތައް ފޯރުކޮށްދެމުންނެވެ.