ދިވެހިރާއްޖެއާއި ރާއްޖޭން ބޭރުގައިވެސް މަޤްބޫލުކަން ހޯދާފައިވާ ޕަބްޖީ ގޭމް ކުޅުމަށް ޚާއްސަ ޑޭޓާ ޕެކޭޖްތަކެއް އުރީދޫ މޯލްޑިވްސްއިން ތައާރަފްކޮށްފައެވެ.
އުރީދޫއިން ޕަބްޖީ ގޭމް ކުޅޭ ފަރާތްތަކަށް އަމާޒްކޮށްގެން ތަޢާރަފްކޮށްފައި ވަނީ 250 ރުފިޔާގެ ޕަބްޖީ އަންލިމިޓެޑް ޕެކްއެވެ.
އުރީދޫ މޯލްޑިވްސްއިން ތައާރަފްކުރި ޙާއްސަ ޑޭޓާ ޕެކްތަކާއި ގުޅޭގޮތުން އުރީދޫގެ ސީއީއޯ ނަޖީބު ޚާން ވިދާޅުުވީ، ޕަބްޖީއަކީ ރާއްޖޭގައި މަޤުބޫލުކަން ހޯދާފައިވާ އެއް ގޭމު ކަމަށްވާއިރު، މި ގޭމު ކުޅުމުގައި، އާއިލާ އާއި ރަށްޓެހިންނާއެކު ގިނަ އަދަދެއްގެ ވަގުތު ކަސްޓަމަރުން ހޭދަކުރާކަން ފާހަގަކުރެވޭ ކަމަށެވެ.
ޕަބްޖީ މޮބައިލްއަށް ޚާއްސަ ޑޭޓާ އެލަވަންސްތަކަކާއެކު، އުރީދޫ އިން ވަނީ ތިން ޑޭޓާ ޕެކޭޖެއް ތައާރަފްކޮށްފައެވެ.
ޕަބްޖީ50 ޕެކްގައި ހިލޭ 1 ޖީބީ ލިބޭއިރު، 7 ދުވަހުގެ މުއްދަތަކަށް ބޭނުންކުރެވޭނެއެވެ. ޕަބްޖީ100ގެ ޕެކް ގައި 2 ޖީބީ ލިބޭ އިރު، 30 ދުވަހުގެ މުއްދަތަކަށް މި ޕެކް ބޭނުންކުރެވޭ އަދި ޕަބްޖީ އަންލިމިޓެޑް ޕެކް 30 ދުވަހުގެ މުއްދަތަކަށް ބޭނުންކުރެވޭނެ ކަމަށް އުރީދޫން މައުލޫމާތުދެއެވެ.