މަމެން އައްޑޫ އިންޓަރ ސްކޫލް ފުޓްބޯޅަ މުބާރާތުގެ 12 އަހަރުން ދަށުގެ ގުރޫޕް 'ބީ' ގެ ފަހު މެޗުގައި ފޭދޫ ސްކޫލުން ގްރޫޕްގެ އެއްވަނާގައި އޮތް ހުޅުދޫ ސްކޫލްގެ މައްޗަށް ކުރި ހޯދިނަމަވެސް މުބާރާތުގެ ސެމީފައިނަލުން ޖާގައެއް ނުލިބި މުބާރާތް ނިންމާލައިފިއެވެ.
ހުޅުދޫ ސްކޫލް މިމެޗަށް ނިކުތް އިރުވެސް ގްރޫޕުގެ އެއްވަނަ ޓީމުގެ ގޮތުގައި ސެމީ ފައިނަލުން ވަނީ ޖާގައެއް ހޯދާފައިއެވެ. ފޭދޫ ސްކޫލާއި ހުޅުދޫ ސްކޫލު ވާދަ ކުރި މިމެޗު ފޭދޫ ސްކޫލު ކާމިޔާބު ކުރީ 3-4 ލަނޑުންނެވެ. މެޗުގެ ފުރަތަމަ ހާފުގައި ބޮޑަށް ކުޅެފައިވަނީ ފޭދޫ ސްކޫލުއިންނެވެ. އެގޮތުން މެޗުގެ ފުރަތަމަ ލަނޑު ފޭދޫ ސްކޫލަށް ޖަހައިދިނީ 3 ވަނަ މިނެޓުގައި ހަސަން އުލްވާންއެވެ. މިމެޗުގައި އުލްވާން ވަނީ ފޭދޫ ސްކޫލަށް ހެޓްރިކް ހަދައިދީފައެވެ. މެޗުގެ ފުރަތަމަ ހާފުގައި ފޭދޫ ސްކޫލުން 4 ލަނޑު ޖެހި އިރު އެޓީމުގެ 3 ވަނަ ލަނޑު ޖަހާދީފައިވަނީ 18 ވަނަ މިނެޓުގައި އިބްރާހިމް ޝާހީއެވެ. މެޗުގެ ދެވަނަ ހާފު ފެށިގެން ހުޅުދޫ ސްކޫލުން ވަނީ ކުޅުން ރަނގަޅުކޮއްފައެވެ. އެގޮތުން ދެވަނަ ހާފު ފެށިގެން ކައިރި ކައިރީ އެޓީމުން ވަނީ ދެ ލަނޑު ޖަހާފައިއެވެ. ހުޅުދޫ ސްކޫލުގެ ފުރަތަމަ ލަނޑު ޖެހީ 37 ވަނަ މިނެޓުގައި އަހުމަދު އަޒާން ޝަމްވީލްއެވެ. ދެވަނަ ލަނޑު ޖަހާފައިވަނީ 39 ވަނަ މިނެޓުގައި މާއިޒް މުޖްތަބާ މުހައްމަދު ދީދީއެވެ. މެޗަށް ފަހު ވާހަކަ ދައްކަމުން ހުޅުދޫ ސްކޫލުގެ ކޯޗު މުހައްމަދު ޝާހިދު ބުނީ، އެޓީމަށް ފުރަތަމަ ހާފުގައި ނުކުޅެވި ދިޔައީ ވަޔާ ދެކޮޅަށް ކުޅެން ޖެހުމާއި އަދި އެންމެ މުހިންމު އެއް ކުޅުންތެރިޔާ ނުލާ ކުޅެން ޖެހުމުން ކަމަށެވެ.
ފޭދޫ ސްކޫލް ކޯޗް މުހައްމަދު އަލީ މެޗަށްފަހު ބުނީ، ޓީމުގެ ކުޅުންތެރިންގެ ފަރާތުން ރަނގަޅު ކުޅުމެއް ފެނިގެން ދިޔަ ކަމަށެވެ. ނަމަވެސް ޓީމަށް ލީޑު ހިފަހައްޓަން އުނދަގޫވެގެން ދިޔަ ކަން ކޯޗު ވަނީ ފާހަގަކޮށްފައިއެވެ.
މި ނަތީޖާ އާއި އެކު ހުޅުދޫ ސްކޫލު މި މެޗުން ބަލިވި ނަމަވެސް 7 ޕޮއިންޓާއި ފައިދާ 5 ގޯލާއި އެކު ގުރޫޕުގެ އެއްވަނަ ޓީމުގެ ގޮތުގައި ސެމީ ފައިނަލަށް ވަނީ ދަތުރު ކޮއްފައިއެވެ.