ފުލުހުންގެ މައި އިދާރާ، ޝަހީދު ޙުސައިން އާދަމް ބިލްޑިންގ - ފައިލް ފޮޓޯ ޕޮލިސް މީޑިއާ
ނިމިދިޔަ ހަފްތާގެ ބުދަދުވަހު މަޖީދީމަގުގައި ހުރި ފޯނު ވިއްކާ ފިހާރައަކުން އެކި ބްރޭންޑްތަކުގެ 41 އަށްވުރެ ގިނަ ފޯނު ނަގާފައިވާކަށް މޯލްޑިވްްސް ޕޮލިސް ސަރވިސްއިން ވިދާޅުވެއްޖެއެވެ.
ފުލުހުންބުނީ މިމައްސަލައާ ގުޅިގެން ކޯޓް އަމުރެއްގެ ދަށުން 33 އަހަރުގެ ފިރިހެނަކު ހައްޔަރުކޮށްފައި ވާކަމަށެވެ. އަދި މިމީހާގެ ބަންދާއިމެދު ގޮތެއް ނިންމުމަށް ކްރިމިނަލް ކޯޓަށް ހާޒިރުކުރުމުން މިނިސްޓްރީއޮފް ހޯމް އެފެއާރސްއިން ކަނޑައަޅައި ތަނެއްގައި ބަންދުގައި ބެހެއްޓުމަށް 15 ދުވަހުގެ މުއްދަތެއް ދީފައިވާކަމަށްވެސް ފުލުހުން ބުނެއެވެ.
އަދި މި ވައްކަމުގައި ވަގަށް ނަގާފައިވާ ފޯން ތަކުގެ ތެރެއިން 20 ފޯނު ފެނިފައިވާކަމަށްވެސް ފުލުހުންވަނީ ފާހަގަކޮށްފައެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ