މަޖިލިސް އިންތިޚާބާ ގުޅިގެން ކުރިއަށް ގެންދިޔަ އޮޕަރޭޝަނުގައި ފުލުހުންގެ ފަރާތުން ފެނިގެންދިޔަ ޕްރޮފެޝަނަލިޒަމާ މެދު ފަޚުރުވެރިވާކަމަށް ކޮމިޝަނަރ އޮފް ޕޮލިސް މުޙައްމަދު ޙަމީދު ވިދާޅުވެއްޖެއެވެ.
ކޮމިޝަނަރ އޮފް ޕޮލިސް މުޙައްމަދު ޙަމީދު މިހެން ވިދާޅުވީ ރޭ އެމަނިކުފާނު ކުރެއްްވި ޓުވީޓެއްގައެވެ. ކޮމިޝަނަރ އޮފް ޕޮލިސް މުޙައްމަދު ޙަމީދު ވިދާޅުވީ އިންތިޚާބުގެ ސަލާމަތީ ކަންކަން ބެލެހެއްޓުމަށް ފުލުހުން ކުރިއަށް ގެންދިޔަ އޮޕަރޭޝަން “ބްލޫ ޓައިޑް” ކާމިޔާބުކަމާއެކު ކުރިއަށް ގެންދިޔުމުގައި އޮޕަރޭޝަން ކޮމާންޑަރާއި ޑެޕިއުޓީ ކޮމާންޑަރު އަދި އޮޕަރޭޝަނުގައި ހަރަކާތްތެރިވި ހުރިހާ ފުލުހުން ކުރެއްވި މަސައްކަތްތައް ފާހަގަކުރައްވައި މަރުޙަބާ ދަންނަވާކަމަށެވެ.
ރައްޔިތުންގެ މަޖިލީހުގެ އިންތިޚާބު އެއްވެސް ހަމަނުޖެހުމެއް ނުހިނގާ އަމާންކަމާއެކު ނިންމާލާފައިވާއިރު، ރާއްޖޭގެ ހުރިހާ ސަރަޙައްދެއްގައި ފުލުހުން ދިޔައީ ހަރަކާތްތެރިވަމުންނެވެ.