ރާއްޖޭގައި މިއަދު ކުރިއަށްދާ ރައްޔިތުންގެ މަޖިލީހުގެ އިންތިޚާބުގެ ވޯޓުލުން އިތުރު އިރުއޮއްސި 6:00 ޖަހަންދެން އިތުރުކޮށްފިއެވެ.
އިލެކްޝަންސް ކޮމިޝަނުން ވިދާޅުވީ ވޯޓުލާން ނުކުތް މީހުން އާދަޔާ ޚިލާފަށް މަދުވުމުން ރާއްޖެއާއި ރާއްޖެއިން ބޭރުގައި ވޯޓުލާން ދީފައިވާ މުއްދަތު 2 ގަޑިއިރަށް އިތުރުކޮށްފައިވާކަމަށެވެ. މި ނިންމުން އިލެކްޝަންސް ކޮމިޝަނުން ނިންމާފައިވަނީ، ޤައުމީ ލަފާދޭ ކޮމިޓީގެ މަޝްވަރާގެ މަތިންކަމަށް އެކޮމިޝަންގެ މެމްބަރު އަދި ސްޕޯކްސްޕަރސަން އަހްމަދު އަކްރަމް ވިދާޅުވިއެވެ. މިފަދަ ނިންމުމެއް އެކޮމިޝަނުން ނިންމާފައިވަނީ، ދުވަހަކީ އަވިގަދަ ދުވަހަކަށްވުމާއެކު ވޯޓުލުމަށްޓަކައި އެކަށީގެންވާ އަދަދަކަށް މީހުން އައިސްފައި ނުވާތީކަމަށް އަކްރަމް ވިދާޅުވިއެވެ.
އިލެކްޝަންސް ކޮމިޝަނުން ކުރިން ނިންމާފައި އޮތީ ވޯޓުފޮށިތައް ބަންދުކުރާނޭ ވަގުތެއްކަމަށް ކަނޑައަޅާފައިވަނީ ހަވީރު ހަތަރެއް ޖަހާއިރުއެވެ.