އަންނަ ރައްޔިތުންގެ މަޖިލީހުގެ އިންތިޚާބުގައި ވާދަކުރުމަށް މިހާތަނަށް 366 ފަރާތަކުން ފޯމް ހުށައަޅާފައިވާކަމަށް އިލެކްޝަންސް ކޮމިޝަނުން ވިދާޅުވެއްޖެއެވެ. އެ ކޮމިޝަނުން ވިދާޅުވީ، ގިނަ ފަރާތްތަކުން އިންތިޚާބުގައި ވާދަކުރުމަށް ފޯމް ހުށައަލާފައިވަނީ ސިޔާސީ ޕާޓީތަކުގެ ފަރާތުންކަމަށެވެ. ރައްޔިތުންގެ މަޖިލީހުގެ އިންތިޚާބަށް ކުރިމަތިލުމުގެ ފުރުސަތު މިއަދު ހަވީރު ހަތަރެއް ޖަހާއިރު ހަމަވާނެއެވެ. އީސީން ވިދާޅުވީ، އިންތިޚާބަށް ކުރިމަތިލާ ކެނޑިޑޭޓުންގެ ނަންތައް ތަރުތީބުކުރުން މިމަހުގެ ހަތާވީސް ވަނަ ދުވަހު އޮންނާނެކަމަށެވެ.
ރައްޔިތުންގެ މަޖިލީހުގެ އިންތިޚާބުގައި 87 ދާއިރާއަކަށް މެންބަރުން އިންތިޚާބުކުރާނެއެވެ. މި އިންތިޚާބުގައި އިލެކްޝަންސް ކޮމިޝަންގައި ދަފްތަރުކޮށްފައިވާ ހުރިހާ ސިޔާސީ ޕާޓީއަކުންވެސް ވާދަކުރެއެވެ. އެންމެ ގިނަ ކެނޑިޑޭޓުން ވާދަކުރަނީ އެމްޑީޕީގެ ފަރާތުންނެވެ. އެއީ 86 ދާއިރާއަކަށެވެ. ދެން އެންމެ ގިނައިން ވާދަކުރަނީ ޕްރޮގްރެސިވް ކޮންގްރެސް ކޯލިޝަންގެ ފަރާތުންނެވެ. އެ ކޯލިޝަނުން 64 ދާއިރާއަކަށް، ރައީސް މައުމޫންގެ ތާޢީދާއެކު 24 ދާއިރާއަކަށް އަދި އަދާލަތު ޕާޓީއާއި އެމްޑީއޭއިން އަށް ދާއިރާއަކަށް ވާދަކުރެއެވެ. މިނޫންނަސް ޖުމްހޫރީ ޕަޓީއާއި އެހެނިހެން ޕަޓީތަކުންވެސް ގިނަ ދާއިރާތަކަަކށް ވާދަކުރެއެވެ.