ފާތިމަތު އާޝާން ވަނީ މަޤާމުން ވަކިކޮށް މިފްކޯގެ ޑެޕިއުޓީ ސީއީއޯއަކަށް ބަދަލުކޮށްފައި
އެސްޓިއޯގެ ސީނިއާ ޖެނެރަލް ޖެނެރަލް މަޤާމުގައި ހުންނެވި ފާތިމަތު އާޝާން މަޤާމުން ވަކިކޮށް، މިފްކޯގެ ޑެޕިއުޓީ ސީއީއޯގެ މަޤާމަށް ހަމަޖައްސައިފިއެވެ.
އެސްޓީއޯއިން ވަނީ އާޝާން މިފްކޯގެ ޑެޕިއުޓީ ސީއީއޯއަށް ބަދަލުކުރުމުގެ އިތުރުން، އެކުންފުނީގެ ސީނިއާ މެނޭޖްމަންޓްގައި ހިމެނޭ އިތުރު ދެ ބޭފުޅަކު މަޤާމުން ވަކިކޮށްފައެވެ.
މަޤާމުން ވަކިކުރެއްވި ދެ ބޭފުޅުންގެ ތެރެއިން އެއް ބޭފުޅަކީ، އެނަރޖީ ޑިޕާޓްމަންޓްގެ ހެޑެއްގެ ގޮތުގައި ހުންނެވި ރަމްޒީ އަބޫބަކުރުއެވެ. އަދި އަނެއް ބޭފުޅަކީ، ޕްރޮކިއުމަންޓް ހެޑެއްގެ ގޮތުގައި ހުންނެވި މުހައްމަދު ޝުޖާއުއެވެ.
އެސްޓީއޯއިން ބުނެފައިވަނީ، މިއީ އެކުންފުނީގެ ހިންގުން ހަރުދަނާކުރުމަށް ތަނުގެ އެންމެ އިސް މެނޭޖުމަންޓުން ގެނެސްފައިވާ ބަދަލެއްކަމަށެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ