އެއަރ އިންޑިޔާ ޓީމާއި ދިވެހި ރާއްޖޭގެ ޤައުމީ ކްރިކެޓް ޓީމް ކުޅުނު މެޗު އަށް ވިކެޓުން އެއަރ އިންޑިޔާގެ ޓީމް ކާމިޔާބުކޮށްފިއެވެ. މެޗުގެ ޓޮސް ދިމާވުމުން ދިވެހިރާއްޖޭގެ ޓީމުން ގަސްތުކުރީ ބެޓް ކުރުމަށެއެވެ. ރާއްޖޭގެ ޓީމް ކުޅެން އަރާ 15 އޯވަރުގެ ތެރޭގައި އަށް ކުޅުންތެރިން ނުބައިވެގެން ހެދުނީ ސަތޭކަ ނަވާވީސް ލަނޑުއެވެ. ރާއްޖޭގެ އިނިންގްސްގައި އެންމެ ރަނގަޅަށް ކުޅުނީ 19 ބޯޅައިން 33 ލަނޑު ހެދި އަހުމަދު ހަސަންއާއި، 13 ބޯޅައިން 24 ލަނޑު ހެދި އާދަމް ނާސިފްއެވެ. އިންޑީޔާއިން އެންމެ ރަނގަޅަށް އުކީ ތިން އޯވަރުގައި ތިން ވިކެޓު ނެގި ސަޗިން ރާނާއެވެ.
އިންޑިޔާއިން ކުޅެން އަރާ މެޗު ކާމިޔާބުކުރީ 14.3 އޯވަރުގެ ތެރޭގައި 2 ކުޅުންތެރިން ނުބައިވެގެނެއެވެ. އިންޑިޔާއިން އެންމެ ރަނގަޅަށް ކުޅުނީ 36 ބޯޅައިން 68 ލަނޑު ހެދި ރޯހިތު ޕްރަކާޝްއާއި 22 ބޯޅައިން 37 ލަނޑު ހެދި މަންވިންދަރު ބިސްލާއެވެ. މި އިނިންގްސްގައި ރާއްޖެއިން ވިކެޓު ނެގި ދެ ކުޅުންތެރިންނަކީ ކެޕްޓަން މުޙައްމަދު މަހްފޫޒާއި، ޔޫސުފް އަޒްޔާން ފަރުހަތުއެވެ.