ސްރީލަންކާގެ ކުރީގެ ރައީސް އަދި އިދިކޮޅު ލީޑަރު މަހިންދަ ރާޖަޕަކްސަ ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙްގެ އަރިހަށް އިޙްތިރާމްގެ ޒިޔާރަތެއް ކުރައްވައިފިއެވެ.
ރައީސް ޞާލިޙް ސްރީލަންކާއަށް މިހާރު ކުރައްވަމުން ގެންދަވާ ދަތުރުފުޅުގައި އެމަނިކުފާނުގެ އަރިހަށް ރާޖަޕަކްސަ ކުރެއްވި ޒިޔާރަތުގައި ދެބޭފުޅުންވަނީ ދެޤައުމުގެ ޒަމާންވީ ގާތް ގުޅުމުގެމައްޗަށް އަލިއަޅުއްވާލައްވާ ވާހަކަފުޅު ދައްކަވާފައެެވެ.
އަދި ދެޤަމުގެ ގުޅުމުގެ މުސްތަޤްބަލާގުޅޭގޮތުން ފުޅާ ދާއިރާއެއްގައި ދެބޭފުޅުން މަޝްވަރާކުރައްވާފައިވާކަމަށް ރާޖަޕަކްސް ކުރެއްވި ޓްވީޓެއްގައި ވިދާޅުވެފައިވެއެވެ.
ރައީސް ޞާލިޙް މިހާރު ސްރީލަންކާއަށް ކުރައްވަމުންދާ ދަތުރުފުޅުގައި ބައިވެރިވާ ރާއްޖޭގެ ވަފްދުގައި ހިމެނިވަޑައިގަންނަވާ ވަޒީރުން މިބައްދަލުކުރެއްވުމުގައި ބައިވެރިވެވަޑައިގެންނެވިއެވެ.
ރައީސް ޞްލިޙް ސްރީލަންކާއަށް ކުރައްވާ ދަތުރުފުޅަކީ އެޤއުމުގެ 71ވަނަ މިނިވަންދުވަސް ޝަރްފެވރިކޮށްދެއްވުމަށް އެޤައުމުގެ ރައީސް މައިރިރިޕާލަ ސިރިސޭނާގެ ދަޢުވަތަކަށް ކުރައްވާ ދަތުރުފުޅެކެވެ.