ޚަބަރު
"ސާކް ފްރޭމްވަރކް އެގްރީމަންޓް ފޮރ އެނަރޖީ ކޯޕަރޭޝަން" ތަޞްދީޤުކުރުމަށް ވަޒީރުންގެ މަޖިލީހުން ނިންމަވައިފި
"ސާކް ފްރޭމްވަރކް އެގްރީމަންޓް ފޮރ އެނަރޖީ ކޯޕަރޭޝަން" ރާއްޖެއިން ތަޞްދީޤުކުރުމަށް އެޓަރނީ ޖެނެރަލްގެ ލަފާގެ މަތިން ވަޒީރުންގެ މަޖިލީހުން މިއަދު ނިންމަވައިފިއެވެ.
މި އެއްބަސްވުން ތަޞްދީޤުކުރުމަށް ނިންމެވީ މިއަދު ބޭއްވެވި ވަޒީރުންގެ މަޖިލީހުގެ ޖަލްސާގައި މިކަމާ ބެހޭގޮތުން މަޝްވަރާ ކުރެއްވުމަށް ފަހުކަމަށް ރައީސްއޮފީހުން ވިދާޅުވެއެވެ.
މި އެއްބަސްވުމުގެ ދަށުން ތިމާވެއްޓާ ރައްޓެހި، އިޢާދަކުރަނިވި ހަކަތައިގެ ބާވަތްތައް ބޭނުންކޮށްގެން ކަރަންޓު އުފައްދައި ގަނެވިއްކުމަށް ސާކްގެ މެންބަރު ޤައުމުތަކަށް މަގުފަހިވާނެކަމަށް އެއޮފީހުން ވިދާޅުވެއެވެ. އަދި މި އެއްބަސްވުމުގެ ދަށުން ސާކްގެ މެންބަރު އެހެން ޤައުމުތަކެކޭވެސް އެއްފަދައިން ފަންނީ އަދި ޓެކްނޯލޮޖީގެ ދާއިރާއިން ދިވެހިރާއްޖެއަށްވެސް މަންފާކުރާނެކަމަށްވެސް އެއޮފީހުން ވިދާޅުވެއެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ