ވެލާނާ އިންޓަނޭޝަނަލް އެއާޕޯޓްގައި އެކްސިޑެންޓެއް ހިނގައި މީހަކަށް އަނިޔާވެއްޖެއެވެ.
ފުލުހުންގެ ފަރާތުން ވިދާޅުވީ އެހާދިސާ ހިނގީ ވެލާނާ އިންޓަނޭޝަނަލް އެއާޕޯޓްގައި ދުއްވާފައިދިޔަ މޯލްޑިވިއަންގެ ވެހިކަލަކާއި ސައިކަލެއް ޖެހިގެންކަމަށެވެ. މިއެކްސިޑެންޓުގައި ހިމެނޭ ސައިކަލު ދުއްވަން އިނީ ޢުމުރުން 23 އަހަރުގެ ފިރިހެނއްކަމަށާ، އޭނާއަކީ އެއާޕޯޓްގައި މަސައްކަތް ކުރާ މުވައްޒަފެއްކަމަށް ފުލުހުން މަޢުލޫމާތުދެއްވައެވެ.
އެކްސިޑެންޓްގައި އަނިޔާވި ޒުވާނާއަށް ހުޅުމާލެ ހޮސްޕިޓަލްގައި ފަރުވާދީފައިވާކަމަށް މަޢުލޫމާތުލިބެއެވެ. އެހެންނަމަވެސް އޭނާގެ ޙާލު ސީރިއަސް ނޫންކަމަށްވެސް މަޢުލޫމާތުލިބެއެވެ.
އެހާދިސާ ފުލުހުންނަށް ރިޕޯޓްކޮށްފައި ވަނީ މިއަދުހެނދުނު 10:30 ހާއިރުކަމަށް ފުލުހުން ވިދާޅުވެއެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ