ކުރިއަށްއޮތް ރައްޔިތުންގެ މަޖިލީހުގެ އިންތިޚާބުގެ އެމްޑީޕީގެ ޕްރައިމަރީގައި ވާދަކުރެއްވި ރައީސް އިބްރާހީމް މުހައްމަދު ޞާލިހްގެ ސްޕެޝަލް އެންވޯއީ ޢަބްދުﷲ ޖާބިރާއި އޭނާގެ އަނބިކަނބަލުން އަަލްއުސްތާޛާ ފާޠިމަތު ދިޔާނާ ސައީދަށް ޓިކެޓް ލިބިވަޑައިނުގެން ނާކާމިޔާބީއާ ކުރިމަތިވެއްޖެއެވެ.
ކުރިން ޖުމްހޫރީ ޕާޓީގެ ޓިކެޓުގައި ރައްޔިތުންގެ މަޖިލީހުގެ ކާށިދޫ ދާއިރާގެ މެމްބަރުކަން ކުރައްވާފައިވާ ޖާބިރު އެމްޑީޕީ ޕްރައިމަރީގައި މިފަހަރުވެސް ވާދަކުރެއްވީ ކާށިދޫ ދާއިރާއަށެވެ. ޖާބިރާ ވާދަކުރައްވައި ޕްރައިމަރީ ކާމިޔާބުކުރެއްވީ ޢަބްދުﷲ ރިފްއަތެވެ.
ޖާބިރުގެ އަނބިކަނބަލުން، އަލްއުސްތާޛާ ފާޠިމަތު ދިޔާނާ ސަޢީދު ވާދަކުރެއްވީ ވިލިނގިލީ ދާއިރާގެ ޕްރައިމަރީގައެވެ. އޭނާއަށްވެސް ކުރިމަތިވެވަޑައިގަތީ ނާކާމިޔާބީއާއެވެ. އެދާއިރާގެ ޓިކެޓު ކާމިޔާބު ކުރެއްވިކަމަށް ވަގުތީ ނަތީޖާއިން ދައްކަނީ ހާރޫން ރަޝީދެވެ.