މިނިސްޓަރ އޮފް ކޮމިއުނިކޭޝަން، ސައިންސް އެންޑް ޓެކްނޮލޮޖީ މުޙައްމަދު މަލީހް ޖަމާލް ދިރާގާއި އުރީދޫގެ މަސައްކަތްތައް ބައްލަވާލައްވައިފިއެވެ.
ދިރާގާއި އުރީދޫއަށް މިނިސްޓަރ މަލީހް ޒިޔާރަތްކުރައްވާފައިމިވަނީ، މިނިސްޓްރީ އޮފް ކޮމިއުނިކޭޝަން، ސައިން އެންޑް ޓެކްނޮލޮޖީ އާއި ގުޅިފައިވާ ދާއިރާތަކުގެ މަސައްކަތްތައް ހިނގާ ނުހިގާގޮތް ބައްލަވާލެއްވުމަށް މިނިސްޓަރު ފައްޓަވާފައިވާ މަސައްކަތުގެ ތެރެއިންނެވެ.
އެގޮތުން މިމަހުގެ 7 ވަނަ ދުވަހު ދިރާގަށް ވަޑައިގެން ދިރާގުގެ އިސްވެރިންނާ ބައްދަލުކުރައްވާ މަސައްކަތްތައް ކުރިޔަށް ދާގޮތް ވަނީ ބައްލަވާލައްވާފައެވެ. މި ބައްދަލުވުމުގައި ދިރާގުގެ ސީއީއޯ އިސްމާއިލް ރަޝީދު އާއި އެކުންފުނީގެ އިސްވެރިންގެ އިތުރުން މިނިސްޓްރީގެ ސްޓޭޓް މިނިސްޓަރުންނާއި އިސްވެރިން ބައިވެރި ވަޑައިގެންނެވިއެވެ.
މިބައްދަލުވުމުގައި ދިރާގުގެ ފަރާތުން ކުރިޔަށް ރާވާފައިވާ ބޮޑެތި މަސައްކަތަކުގެ މައުލޫމާތާއި، ދިރާގުން މީގެ ކުރިން ކަންކަން ހާސިލް ކޮށްފައިވާ ގޮތުގެ މައުލޫމާތު މިނިސްޓަރާއި ވަނީ ހިއްސާ ކުރައްވާފަ އެވެ.
މީގެ އިތުރުން މިމަހުގެ 13 ވަނަ ދުވަހު މިނިސްޓަރ މަލީހު ވަނީ އުރީދޫއަށް ވަޑައިގެން އުރީދޫގެ އިސްވެރިންނާ ބައްދަލުކުރައްވާ މަސައްކަތްތަށް ކުރިޔަށް ދާގޮތްވެސް ބައްލަވާލައްވާފަ އެވެ. މި ބައްދަލުވުމުގައި އުރީދޫގެ ސީއީއޯ ނަޖީބްޚާން އާއި އެކުންފުނީގެ އިސްވެރިންގެ އިތުރުން މިނިސްޓްރީގެ ސްޓޭޓް މިނިސްޓަރުންނާއި އިސްވެރިން ވަނީ ބައިވެރިވެވަޑައިގެންފައެވެ. އަދި އުރީދޫގެ ފަރާތުން ކުރިޔަށް ރާވާފައިވާ ބޮޑެތި މަސައްކަތްތަކުގެ މައުލޫމާތު މިނިސްޓަރާއި ވަނީ ހިއްސާ ކުރައްވާފައެވެ.