މޯލްޑިވްސް ތާޑްވޭ ޑިމޮކްރޭޓްސް (އެމްޓީޑީ) އުފެއްދުމަށް ދީފައިވާ ހުއްދައިގެ ދަށުން ތިންހާސް މެމްބަރުން ހަމަކުރުމަށްފަހު އިލެކްޝަންސް ކޮމިޝަނުން ހުށަހަޅައިފިއެވެ. އެމްޓީޑީ އުފެއްދުމުގައި އިސްކޮށް އުޅެނީ ވިޔަފާރިވެރިންގެ ޖަމިއްޔާގެ ނާއިބު ރައީސް އިސްމާއިލް އާސިފުއެވެ. އިލެކްޝަންސް ކޮމިޝަނުން ބުނީ އެމްޓީޑީ މިއަދު 3333 ފޯމް އެ ކޮމިޝަނަށް ހުށައަޅާފައިވާކަމަށެވެ.
އިލެކްޝަންސް ކޮމިޝަންގެ މެމްބަރު އަހްމަދު އަކްރަމް ވީދާޅުވީ އެމްޓީޑީ ހުށައެޅި ފޯމްތައް ސައްހަތޯ ކަށަވަރުކުރުމުގެ މަސައްކަތް ކުރަމުންދާކަމަށެވެ. އަދި ފޯމްތައް ޗެކްކުރުމަށްފަހު ސިޔާސީ ޕާޓީ އުފެއްދުމަށް ބާއްވާ ބައްދަލުވުން ބޭއްވުމަށް ހުއްދަދޭނެކަމަށެވެ.
ސީޔާސީ ޕާޓީތަކުގެ ގާނޫނުގައިވާ ގޮތުން ސިޔާސީ ޕާޓީ އުފެއްދުމަށް ބާއްވާ ބައްދަލުވުމުގައޮ ޕާޓީގައި ރަޖިސްޓޤރީވި މީހުންގެ ތެރއިން ތިންސަތޭކަ މީހުން ބައިވެރިވާންޖެހޭނެއެވެ. އަދި އިލެކްޝަންސް ކޮމިޝަންގެ ބެލުމުގެ ދަށުން ބާއްވާ މި ބައްދަލުވުގައި ޕާޓީގެ އަސާސީ ޤަވައިދާ މެނިފެސްޓޯ އާއި ގުޅޭ ނިންމުންތައް ނިންމަންޖެހޭނެއެވެ.
މޯލްޑިވްސް ތާޑްވޭ ޑިމޮކްރޭޓްސް އުފެއްދުމަށް އިސީން ހުއްދަދިނުމުން އެޕާޓީގެ މެމްބަރަކަށް ވުމަށް އެންމެ ފުރަތަމ ސޮއިކޮށްފައިވަނީ ކުރީގެ ނާއިބު ރައީސް އަހުމަދު އަދީބެވެ. އަދި އޭގެ ފަހުން ރައްޔިތުން މަޖިލީހުގެ ވެލިދޫ ދައިރާގެ މެމްބަރު ޔާމީން ރަޝިދު ޕީޕީއެމުން ވަކިކުމަށްފަހު އެމްޓީޑީއާއި ވަނީ ގުޅިފައެވެ. އެމްޓީޑީ އުފެއްދުމުގެ ހުއްދަ އިލެކްޝަންސް ކޮމިޝަނުން ދީފައިވަނީ މިދިޔަ މަހުގެ 29 ވަނަ ދުވަހެވެ.