ރައްޔިތުންގެ މަޖިލީހުގެ މެންބަރުކަމުން ވަކިވެއްޖެކަމަށް ކަނޑައަޅާފައިވާ ފުވައްމުލަކު އުތުރު ދާއިރާގެ މެމްބަރު އަލީ ޝާހު މަޖިލީހުގެ މެންބަރުކަމުން ވަކި ނުވާކަމަށް ސުޕްރީމް ކޯޓުން ކަނޑައަޅައިފިއެވެ.
މަޖިލީހުގެ 12 މެންބަރުން މެންބަރުކަމުން ވަކިވިކަމަށް އިލެކްޝަންސް ކޮމިޝަނުން ނިންމިފަހުން އަހަރަކަށްވުރެ ގިނަދުވަސްވެފައިވަނިކޮށް ސުޕްރީމް ކޯޓުން ވަނީ އެމެންބަރު ކޯޓަށް ހުށަހެޅުއްވި ދުސްތޫރީ މައްސަލަތައް ނިންމަން ފަށާފައެވެ. އެގޮތުން މެންބަރު އަލީ ޝާހުއަކީ މި 12 މެންބަރުންގެ ތެރެއިން މަޖިލީހުގެ މެންބަރުކަމުން ވަކި ނުވާކަމަށް ކަނޑައެޅި 10 ވަނަ މެންބަރެވެ.
ބާކީ ތިބި 2 މެންބަރުންކަމަށްވާ ހަނިމާދޫ ދާއިރާގެ މެންބަރު ހުސެއިން ޝަހުދީއާއި، އިހަވަންދޫ ދާއިރާގެ މެންބަރު މުޙައްމަދު ޢަބްދުﷲގެ މައްސަލަވެސް މިއަދު މެންދުރުފަހު ނިންމުމަށް ވަނީ ތާވަލުކޮށްފައެވެ.