އެއްގަމު ދަތުރުފަތުރުގެ ޤާނޫނާ ގުޅޭގޮތުން މަޢުލޫމާތު ދިނުމުގެ ސެޝަނެއް އިނގުރައިދޫގައި ކުރިއަށްގެންގޮސްފި
މޯލްޑިވްސް ޕޮލިސް ސަރވިސަސްއިން ރ. އިނގުރައިދޫ ސްކޫލްގެ ދަރިވަރުންނަށް އެއްގަމު ދަތުރުފަތުރުގެ ޤާނޫނާ ގުޅޭގޮތުން މަޢުލޫމާތު ދިނުމުގެ ސެޝަނެއް ކުރިއަށް ގެންގޮސްފިއެވެ.
އިނގުރައިދޫ ސްކޫލްގައި ކުރިއަށް ގެންދިޔަ މި ސެޝަންގައި، އެއްގަމު ދަތުރުފަތުރުގެ ޤާނޫނާއި ޤަވާއިދުތަކާއި އަދި މަގު ބޭނުންކުރުމުގައި ދަރިވަރުން ސަމާލުކަންދޭންވީ ކަންކަމާ ގުޅޭގޮތުން މަޢުލޫމާތުދިނެވެ. އަދި ޓްރެފިކް މައްސަލަތައް ހައްލުކުރުމުގައި ދަރިވަރުންގެ ފެންވަރުގައި ކުރެވިދާނެ ކަންކަމާއި ގުޅޭގޮތުންނާއި މަގުމަތީގެ އަދަބުތަކާއި ގުޅޭގޮތުން ދަރިވަރުންނަށް މަޢުލޫމާތު ދީފައިވާކަމަށް ފުލުހުން ބުނެއެވެ.
އިނގުރައިދޫ ސްކޫލްގެ ގްރޭޑް 1 އަދި ގްރޭޑް 2 ގައި ތަޢުލީމު ޙާސިލްކުރަމުންދާ 45 ދަރިވަރުން ބައިވެރިވެފައިވާ މިސެޝަންގައި ދަރިވަރުންނަށް މަޢުލޫމާތު މަޢުލޫމާތު ދީފައިވަނި އިނގުރައިދޫ ޕޮލިސް ސްޓޭޝަނުގައި މަސައްކަތްކުރާ ފުލުހުންނެވެ.