"ޖަޒީރާ ރާއްޖެ"އަކީ ކުރިން އެމްޑީޕީން "އަނެއް ރާއްޖެ" ބޭނުންކޮށްގެން ޕްރޮމޯޓުކުރި ރޫޙާއި އެމާނަ އިޢާދަކުރުމަށް ރާވާފައިވާ ބޮޑު ޙީލަތެއްކަމަށް ކުރީގެ ސްޓޭޓް މިނިސްޓަރ އިލްޔާސް ޙުސެއިން އިބްރާހީމް ވިދާޅުވެއްޖެއެވެ.
ޑިފެންސް މިނިސްޓްރީގެ ސްޓޭޓް މިނިސްޓަރުކަމާއި އިމިގްރޭޝަން ކޮންޓްރޯލަރކަންވެސް އަދާކުރައްވާފައިވާ އިލްޔާސް އޭނާގެ ފޭސްބުކުގައި ކުރި ޕޯސްޓެއްގައި ވިދާޅުވީ، ޖަޒީރާ ރާއްޖެއަކީ އަދާލަތު ޕާޓީއަށް އޮޅުވާލައިގެން، ކުރިން އެމްޑީޕީން "އަނެއް ރާއްޖެ" ބޭނުންކޮށްގެން ޕްރޮމޯޓުކުރި، ރޫހާއި އެމާނަ އިޢާދަކުރުމަށް ރޭވި ބޮޑު ޙީލަތެއްކަމަށެވެ. އަދި އޭއީ ބޮޑު އޮޅުވާލުމެއް ކަމަށާއި އެމަޅީގައި ޢިލްމުވެރިންޖެހިފައިވާކަމަށް އިލްޔާސް ވިދާޅުވިއެވެ.
މީގެ އިތުރުން އިލްޔާސް ހުސެއިން އިބްރާޙީމް ވިދާޅުވީ، މިކަން ވީހާވެސް ގިނަ ދިވެހިންނަށް ސާފުކޮށްދޭންޖެހޭކަމަށެވެ. އަދި މިކަމަށް ސަމާލުވުމަށް އޭނާ ވަނީ އިލްތިމާސްކުރައްވާފައެެވެ.