ރޭ ދަރުބާރު ގޭގައި ބޭއްވި ރަސްމިއްޔާތުގެ ތެރެއިން / ފޮޓޯ: ރައީސް އޮފީސް
ފުޓްބޯޅައިގެ އެންމެ ފޯރި ގަދަ ހިސާބުތަކުގައި އަންނަ އަހަރު ފުޓްބޯޅަ ސްޓޭޑިއަމްތައް އަޅަން ފަށާނެ ކަމަށް ސަރުކާރުން ރޭ އިއުލާނުކޮށްފިއެވެ.
ސްޕޯޓްސް އެރީނާގެ ދަށުން އެޅި ފުޓްސަލް ދަނޑުތަކުގެ 50 ދަނޑެއްގެ ނިމުން ފާހަގަ ކުރެއްވުމަށް ރޭ ދަރުބާރު ގޭގައި ބޭއްވި ރަސްމިއްޔާތުގައި މިކަން އިއުލާނުކޮށްދެއްވީ ރައީސުލްޖުމްހޫރިއްޔާ އަބުދުﷲ ޔާމީން އަބުދުލްގައްޔޫމެވެ.
"ރާއްޖޭގެ އެކި ހިސާބުތަކުގައި، ފުޓްބޯޅަ ފީވަރ އެންމެ ގަދަ އަށްހުރި ހިސާބުތަކުގައި ބޮޑު ފުޓްބޯޅަ ދަނޑުތަކެއް ސަރުކާރުން އަޅާނެ،" ރައީސުލްޖުމްހޫރިއްޔާ ވިދާޅުވިއެވެ.
އެމަނިކުފާނު ވިދާޅުވީ ހުޅުމާލޭގައި ގަތަރާ ގުޅިގެން ބައިނަލް އަގްވާމީ ފެންވަރުގެ ފުޓްބޯޅަ ސްޓޭޑިއަމެއް ވެސް އަޅުއްވައި ފީފާ އެޕްރޫމް ފުޓްބޯޅަ އެކަޑަމީއެއް ގާއިމް ކުރުމުގެ މަސައްކަތް ވެސް މިހާރު ފަށާފައިވާ ކަމަށެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ