2018 ޖުލައި 27 ވާ ހުކުރު ދުވަހުގެ ރޭ ހިފާ ހަނދު ކޭތައަށްފަހު ރާއްޖޭގައި މީހުން ދިރިއުޅޭ ހުރިހާ ރަށެއްގައި ކޭތަ ނަމާދު ކުރާނެއެވެ. ފަލަކީ ހިސާބުތަކުން ދައްކާގޮތުން ހުކުރު ދުވަހުގެ ރޭ 22:14 ގައި ހިފާ ކޭތަ ވީއްލާނެ ކަމަށް ލަފާ ކުރެވެނީ 2018 ޖުލައި 28 ވާ ހޮނިހިރު ދުވަހުގެ ފަތިހު 04:28 ގައެވެ.
ރާއްޖޭގެ މީހުން ދިރިއުޅޭ ކޮންމެ ރަށެއްގައިވެސް އެރަށެއްގައި ހުރި އެންމެ ބޮޑު މިސްކިތެއްގައި ހުކުރު ދުވަހުގެ ރޭ 23:30 ގައި ކޭތަ ނަމާދުކުރުމަށްވަނީ ހަމަޖެހިފައެވެ. އަދި މާލެ ސިޓީ ސަރަހައްދުގައި އިސްލާމީ މަރުކަޒުގައާއި، މަސްޖިދުލް އިޚްލާޞް (ވިލިނގިލި) އަދި މަސްޖިދުއް ޝައިޚް ޤާސިމް ބިން މުޙައްމަދު އާލް ޘާނީ (ހުޅުމާލެ) ގައި ކޭތަ ނަމާދު ކުރުމަށްވަނީ ހަމަޖެހިފައެވެ.
2018 ޖުލައި 27 ވާ ހުކުރު ދުވަހުގެ ރޭ ހަނދުކޭތަ އަށް ފަހު ޚާއްޞަ ޚުޠުބާއެއް ކިޔުމަށްވަނީ ހަމަޖެހިފައެވެ.