ޓްރެފިކް ޤަވާއިދާ ޚިލާފުވުމުގެ ސަބަބުން ޖަހާ ސްޓިކާތަކާ ގުޅިގެން ޒުވާނުންނަށް ވަމުންދާ ގެއްލުންތަކަށް ހައްލު ހޯއްދަވައިދެއްވުމަށް ރައީސުލްޖުމްހޫރިއްޔާ ޢަބްދުﷲ ޔާމީން ޢަބްދުލްޤައްޔޫމް ނިންމަވައިފިއެވެ.
މިކަން ހާމަކުރައްވާ ޕީޕީއެމްގެ ޕީޖީ ލީޑަރ އަދި ވިލިމާލެ ދާއިރާގެ މެންބަރު އަޙްމަދު ނިހާން ޙުސައިން މަނިކު ކުރެއްވި ޓްވީޓެއްގައި ވިދާޅުވެފައިވަނީ، މުޅި މާލޭގައި ތަރައްގީގެ މަޝްރޫއުތައް ހިނހަމުންދާތީ، ޓްރެފިކް ވައިލޭޝަން ސްޓިކާ ޖެހުމުން ޒުވާނުންނަށްވަމުންދާ ގެއްލުންތަކަށް ހައްލެއް ހޯއްދަވަން ރައީސުލްޖުމްހޫރިއްޔާ ޢަބްދުﷲ ޔާމީން މިހާރު ނިންމަވާފައިވާ ކަމަށެވެ.
ނަމަވެސް މިކަމާ ގުޅޭ އިތުރު ތަފްސީލެއް ނިހާން ހާމަކުރައްވާފައެއް ނުވެއެވެ.
ޓްރެފިކް ޤާނޫނާ ޚިލާފްވުމުން ކޮށްފައިވާ ޖޫރިމަނާ މީގެ ކުރިން 2015 ވަނަ އަހަރުވެސް ރައީސް ޔާމީން މައާފްކޮށްދެއްވާފައިވެއެވެ.