ދިޔަވަރު ބޮޑުވާ ގަޑިތަކުގައި ރާއްޖޭގެ އެކި ހިސާބުތަކަށް އުދައެރުން އެކަށީގެންވާކަމަށް މޫސުމާބެހޭ ޤައުމީ އިދާރާއިން ބުނެފިއެވެ.
މެޓް އޮފީހުން ބުނީ ކުރިއަށްއޮތް 3 ގަޑިއިރުގެ ތެރޭގައި ރާއްޖޭގެ އެކި ހިސާބުތަކަށް އުދައެރުން އެކަށީގެންވާކަމަށެވެ. އެޓް އޮފީހުން ވަނީ މިކަމަށް ސަމާލުވެ ރައްކާތެރިކަމުގެ ފިޔަވަޅުއެޅުމަށްވެސް އިލްތިމާސް ކޮށްފައެވެ. އިއްޔެގެ ވަގުތެއްގައިވެސް މެޓް އޮފީހުންވަނީ މެދުރާއްޖެތެރެއާއި ދެކުނުގެ އަތޮޅުތަކަށް ދިޔަވަރު ބޮޑުވާ ގަޑިތަކުގައި އުދައެރުން އެކަށީގެންވާކަމަށް ބުނެފައެވެ.
ކުރިއަށް އޮތް ގަޑިތަކުގައި އުތުރާއި މެދުރާއްޖެތެރެއަށް ވިއްސާރަކުރާނެކަމަށް ލަފާކުރެވޭއިރު، ދެކުނަށް މޫސުން ރަނގަޅުވާނެކަމަށްވެސް މެޓް އޮފީހުން ބުނެއެވެ.
ނެޝަނަލް ޑިޒާސްޓަރ މެނޭޖެމެންޓް ސެންޓަރ އެން.ޑީ.އެމް.ސީއިންވެސް ވަނީ މޫސުން ގޯސްވުމުގެ ސަބަބުން ދިމާވެދާނެ ހާދިސާއަކަށް ރައްކާތެރިވެ ތިބުމަށް އިލްތިމާސް ކޮށްފައެވެ.