ރަމަޟާން މަހަށް ޚާއްޞަކޮށްގެން، "ރަމަޟާން އެމް.ވީ"ގެ ނަމުގައި ޚާއްޞަ މޯބައިލް އެޕްލިކޭޝަނެއް ދިރާގުން ތަޢާރަފްކޮށްފިއެވެ.
ދިރާގުން ދޭ ގިނަ ޚިދުމަތްތަކާއެކު، ތަޢާރަފުކުރި މި އެޕްލިކޭޝަން މެދުވެރިކޮށް ދިރާގުގެ ޕޯސްޓް ޕެއިޑް ކަސްޓަމަރުންނަށް ފިތުރު ޒަކާތް ދެއްކޭނެކަމަށް ދިގާރުން ބުނެއެވެ. "ރަމަޟާން އެމް.ވީ" އެޕް މެދުވެރިކޮށް ލިބޭ އިތުރު ޚިދުމަތްތަކުގެ ތެރޭގައި ނަމާދު ގަޑިތަކާއި ދިވެހިންނާއި ގުޅޭ ތަފާތު ރަހަތަކުގެ ރެސިޕީތަކާއި، ކޮންމެ ދުވަހަކު ބާޒާރުގައި ލިބެން ހުންނަ ކާބޯތަކެތީގެ އަގުތައް ބަލާލުން ހިމެނެއެވެ. މީގެ އިތުރުން ދިރާގުން ހިންގާ އެކިއެކި ޕްރޮމޯޝަން ތަކުގެ މަޢުލޫމާތުވެސް ލިބޭނެއެވެ.
ދިރާގުންދަނީ މިރަމަޟާން މަހަށް ޚާއްޞަކޮށްގެން ގިނަ ޕްރޮމޯޝަންތަކެއް ކުރިއަށް ގެންދަމުންނެވެ. އެގޮތުން "ރަމަޟާން ޕެކް" ގެ ނަމުގައި މޯބައިލް ޑާޓާގެ ޕްރޮމޯޝަންތަކާއި، ސޯޝަލް މީޑިއާއަށް ޚާއްޞަ ޕްރޮމޯޝަންތަކެއްގެ އިތުރުން އެހެނިހެން އަހަރުތަކެކޭވެސް އެއްފަދައިން ދިރާގު ކަސްޓަމަރުންނަށާއި ދިރާގަށް އަލަށް ގުޅޭ ކަސްޓަމަރުންނަށް އަގުބޮޑެތި އިނާމުތަކެއް ލިބޭ ޕްރޮމޯޝަންތައް ހިމެނެއެވެ.