ބޭންކް އޮފް މޯލްޑިވްސް އިން އިސްނަގައިގެން މާލޭގެ ސްވިމިންގ ޓްރެކް ސަރަހައްދު ސާފުކުރުމުގެ ޚާއްސަ ހަރަކާތެއް ބާއްވައިފިއެވެ.
ސްވިމިންގ އެސޯސިއޭޝަން އޮފް މޯލްޑިވްސް އާއި ޑައިވް ކްލަބް މޯލްޑިވްސް އަދި ޑައިވް ޑެސްކާ ގުޅިގެން، ބީއެމްއެލް އިން ކުރިއަށްގެންދިޔަ މި ހަރަކާތް ހިންގާފައިވަނީ މިއަދު ހެނދުނު 10:00 އިން މެންދުރުފަހު 2:00 ގެ ނިޔަލަށެވެ. މިހަރަކާތުގައި ބީއެމްއެލްގެ މުވައްޒަފުންވެސް ބައިވެރިވެފައިވެއެވެ.
ބީ.އެމް.އެލްއިން ބުނީ މި ޙަރަކާތުގެ މަޤްޞަދަކީ ސްވިމިންގ ޓްރެކަކީ ގިނަ އަދަދެއްގެ އާންމުންނާއި ކުޑަކުދިން ބޭނުންކުރާ ތަނެއްކަމުން، އެ ޞަރަޙައްދު ސާފުކޮށް ރީތިކޮށް މުޖްތަމައުއަށް ބޭނުންތެރި ގޮތަކަށް ބޭއްވުންކަމަށެވެ.
"އަހަރެންގެ ބޭންކް" ޕްރޮގްރާމްގެ ދަށުން ބީއެމްއެލް އިން އަންނަނީ މި މަހުގެ ކޮންމެ ދުވަހަކުވެސް މުޖުތަމައަށް ފައިދާކުރުވަނިވި ޚާއްސަ ހަރަކާތެއް ބާއްވަމުންނެވެ.