ރަށްރަށުގައި ބޯފެނަށްޖެހުމުން ޢަމަލުކުރާނެގޮތުގެ ރެސްޕޯންސް ސްޓްރެޓެޖީއަކާއި އޮޕަރޭޝަނަލް ޕްލޭނެއް ތައްޔާރުކުރުމުގެ މަސައްކަތް މިނިސްޓްރީ އޮފް އެންވަޔަރަންމަންޓް އެންޑް އެނަރޖީން ފަށައިފިއެވެ.
އެންވަޔަރަންމަންޓް މިނިސްޓްރީން ބުނީ ރަށްރަށުގައި ބޯފެނަށްޖެހޭ ފުރަތަމަ ތިން ހަފްތާއާއި އެއްމަސްދުވަހުގެ ތެރޭގައި ކަންތައްކުރާނެގޮތުގެ ރެސްޕޯންސް ސްޓްރެޓެޖީއަކާއި އޮޕަރޭޝަނަލް ޕްލޭނެއް އެކުލަވާލުމަށް މަސައްކަތް ކުރަމުންދާކަމަށެވެ.
މިމަސައްކަތް ކުރުމަށް ޝަޢުޤުވެރިވާ ކޮންސަލްޓަންޓުންނަށް އެކްސްޕްރެޝަން އޮފް އިންޓަރެސްޓް ނުވަތަ އީ.އައި.އޭ ހުށަހެޅުމުގެ ފުރުޞަތު މިނިސްޓްރީ އޮފް އެންވަޔަރަންމަންޓް އެންޑް އެނަރޖީގެ ފަރާތުން ވަނީ ހުޅުވާލާފައެވެ. މިނިސްޓްރީން ބުނީ މިކަމަށް ޝަޢުޤުވެރިވާ ކޮންސަލްޓަންޓުން އެފަރާތްތަކުގެ ތަޖުރިބާ ވަޒަންކުރެވޭ ވަނަވަރު އީ.އައި.އޭއާއެކު ހުށަހަޅަން ވާނެކަމަށެވެ. ޝައުގުވެރިކަން ފާޅުކުރުމުގެ އެންމެ ފަހުގެ ތާރީހަކީ 22 ފެބްރުއަރީއެވެ.
މި މިސައްކަތާ ގުޅުން ހުރި އިތުރު މައުލޫމާތު އެންވަޔަރަންމަންޓް މިނިސްޓްރީގެ ވެބްސައިޓުން ލިބޭނެކަމަށް މިނިސްޓްރީއިން ބުނިއެވެ.