ރާއްޖޭގައި ތަރައްޤީކުރާ ފުރަތަމަ މޫދުއަޑީގެ ސްކަލްޕްޗަރ މިއުޒިއަމާއެކު "ފެއަރމައުންޓް މޯލްޑިވްސް ސިއްރު ފެންފުށި ރިސޯޓް" އަންނަ އެޕްރީލް މަހު ރަސްމީކޮށް ހުޅުވުމަށްވަނީ ހަމަޖެހިފައެވެ.،
ފެއަރމައުންޓް ރިޒޯޓް އޭޕްރިލް މަހު ރަސްމީކޮށް ހުޅުވަން ހަމަޖެހިފައިވީ ނަމަވެސް، މިރިސޯޓް މިމަހުގެ ތެރޭގައި ފަތުރުވެރިންނަށް ހުޅުވާލާނެއެވެ.
ށ.އަތޮޅުގެ އެންމެ ބޮޑު ވިލުގައި 120 ވިލާއާއެކު ތަރައްޤީކުރަމުންދާ ފެއަރމައުންޓް ރިސޯޓުގައި އިނގިރޭސިވިލާތުގެ ނަންމަޝްހޫރު ސްކަލްޕްޓަރއެއްކަމަށްވާ ޖޭސަން ޑިކޭރަސް ޓެއިލަރ ފަރުމާކޮށްފައިވާ ރާއްޖޭގެ ފުރަތަމަ މޫދުއަޑީގެ ސްކަލްޕްޗަރ މިއުޒިއަމްވެސް ހުންނާނެއެވެ.
ފެއަރމައުންޓް މޯލްޑިވްސް ސިއްރު ފެންފުށި ރިސޯޓަކީ ހަނީމޫން ހޭދަކޮށްލުމަށް އަންނަ ފަތުރުވެރިންނަށާއި،އާއިލާތައް ޒިޔާރަތްކުރުމަށް އެންމެ އެކަށީގެންވާ ގޮތައް ފަރުމާކުރެވިފައިވާ ރިސޯޓެކެވެ. މިރިސޯޓަކީ ދުނިޔޭގެ ނަންމަޝްހޫރު ފެއަރމައުންޓް ބްރޭންޑްގެ ދަށުން ރާއްޖޭގައި ހިންގާ ފެއަރމައުންޓް މޯލްޑިވްސުން ތަރައްޤީކުރާ ރިސޯޓެކެވެ. ފެއަރމައުންޓް ރިސޯޓުން ދުނިޔޭގެ އެކި ޤައުމުތަކުގައި ހުޅުވާފައިވަ މަޝްހޫރު ޕްރޮޕަޓީސްތަކުގެ ތެރޭގައި އެމެރިކާގެ ނިއުޔޯކްގެ "ދަ ޕްލާޒާ"، ލަންޑަންގެ "ދަ ސެވޮއި" ޗައިނާގެ ޝަންގހާއީގެ "ފެއަރމައުންޓް ޕީސް ހޮޓެލް" އަދި ކިއުބެކް ސިޓީގެ "ފެއަރމައުންޓް ލެ ޝަޓޯ ފްރޮންޓަނެކް" ހިމެނެއެވެ.