ލިންކް ރޯޑްގައި ހިނގި އެކްސިޑެންޓެއްގައި ސައިކަލް ކަހާލައިގެން ގޮސްފައި - ފައިލް ފޮޓޯ
ހިތަދޫ ލިންކު ރޯޑުގައި މިއަދު ހިނގި ނުރައްކާތެރި އެކްސިޑެންޓްގައި އަނިޔާވި 13 އަހަރުގެ ކުއްޖާ މަރުވެއްޖެއެވެ. މި އެކްސިޑެންޓްގައި ލިބުނު ޒަހަމްތަކަށް ފަރުވާދެމުންދަނިކޮށް މަރުވެފައިވަނީ ގދ ވާދޫ ނެސްޓް އަރުޝަމް އިބްރާހީމްއެވެ.
މިއަދު ހެނދުނު 9:50 ކަންހާއިރު ހިނގި މި އެކްސިޑެންޓް ހިނގާފައިވަނީ ލިންކު ރޯޑުން ދުއްވާފައި ދިޔަ ސައިކަލަކާއި ޕިކަޕަކާއި ޖެހިގެންނެވެ. މި އެކްސިޑެންޓްގައި ސައިކަލް ދުއްވަން އިން 21 އަހަރުގެ ސ މަރަދޫ ހިރުދުގަސްދޮށުގެ ހުސެއިން އަނަސަށްވެސް އެކިވަރުގެ އަނިޔާލިބިފައިވެއެވެ. މި ޒުވާނައަށް ހިތަދޫ ރީޖަނަލް ހޮސްޕިޓަލްގައި އަންނަނީ ފަރުވާދެމުންނެވެ.
މި ޒުވާނާ މާލެ ފޮނުވުމުގެ މަސައްކަތް ކުރަމުންދާކަމަށް ހިތަދޫ ރީޖަނަލް ހޮސްޕިޓަލުން ބުނެއެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ