ސަރުކާރުން މިއަހަރަށް ސަޕްލިމެންޓްރީ ބަޖެޓް އަންނަ އަންގާރަ ދުވަހުގެ ޖަލްސާއަށް ހުށައެޅުމަށް ތާވަލްކޮށްފިއެވެ.
ރައީސުލްޖުމްހޫރިއްޔާ ޢަބްދުﷲ ޔާމިން ޢަބްދުލްޤައްޔޫމް ވަނީ މިއަހަރުގެ ފަހުކޮޅު ސަޕްލިމަންޓްރީ ބަޖެޓެއް ރައްޔިތުންގެ މަޖިލީހަށް ހުށައަޅުއްވާނެކަމަށް ވިދާޅުވެފައެވެ.
އަންގާރަ ދުވަހުގެ ޖަލްސާއަށް ހުށައަޅާ ބަޖެޓުގެ ތަފްޞީލެއް ސަރުކާރުން އަދި ހާމަކޮށްފައެއް ނުވެއެވެ.
ރައީސުލްޖުމްހޫރިއްޔާ ވިދާޅުވެފައިވަނީ، ދައުލަތުގެ މާލީ ތަނަވަސްކަން އިތުރުވާ މިންވަރަށް ބެއްލެވުމަށްފަހު، އަދި ދައުލަތަށް ފައިސާ އިތުރުވާކަމަށް ޤަބޫލްކުރެއްވޭނަމަ ސަރުކާރުން ޚިޔާލުކުރާނީ މިއަހަރުގެ ތެރޭގައި ސަޕްލިމަންޓްރީ ބަޖެޓެއް މަޖިލީހަށް ހުށައެޅުއްވުމަށްކަމަށެވެ.
އަންގާރަ ދުވަހު ބާއްވާ ޖަލްސާއަށް ވަނީ ވަނީ އޮޑިޓަރ ޖެނެރަލްގެ އޮފީހުގެ އަންނަ އަހަރަށް ލަފާކުރާ ބަޖެޓް މާލިއްޔަތު ކޮމިޓީން ދިރާސާ ކުރައްވައި ނިންމެވި ގޮތުގެ ރިޕޯޓް ހުށައެޅުމަށްވެސް ތާވަލްކޮށްފައެވެ.
މިއަހަރަށް ރައްޔިތުންގެ މަޖިލީހުން ފާސްކުރައްވާފައިވާ ދައުލަތުގެ ބެޖެޓުގެ ޖުމްލަ ޢަދަދަކީ 27.45 ބިލިއަން ރުފިޔާއެވެ.