ޕިއާނޯ ރައުންޑުގެ ފަހު ޝޯވއާއެކު މޯލްޑިވިއަން އައިޑަލް ސީޒަން ދޭއްގެ ގާލާ ރައުންޑަށް ދަތުރުކުރި ގަދަ 12 ބައިވެރިން މިރޭ ޔަޤީންވެއްޖެއެވެ.
ގާލާ ރައުންޑަށް ދަތުރުކުރި ފުރަތަމަ 6 ބައިވެރިން މިދިޔަ ހަފްތާގައި އިޢުލާންކޮށްފައިވާއިރު، ބާކީތިބި 6 ބައިވެރިން އިޢުލާންކޮށްފައިވަނީ މިރޭ ބޭއްވި ޕިއަނޯ ރައުންޑުގެ ދެވަނަ ޝޯވގެ އެލިމިނޭޝަން ނައިޓުގައެވެ.
img:http://s3.psmnews.mv/images/660x400/14879625723851.jpg|ޕިއާނޯ ރައުންޑުގައި ދެވަނަ ޝޯވގެ ތެރެއިން-
ޕިއާނޯ ރައުންޑުގެ ރޭގެ ޝޯވގައި 8 ބައިވެރިންގެ ފަރާތުންވެސް ހިތްގައިމު ހުށައެޅުންތަކެއް ވަނީ ފެނިގެންގޮސްފައެވެ. ރޭގެ ޝޯވގައި ޕަރފޯމްކުރި 8 ބައިވެރިންގެ ތެރެއިން ގާލާ ރައުންޑަށް ދަތުރުކުރި 6 ބައިވެރިންގެ ގޮތުގައި ކަނޑައަޅާފައިވަނީ ޖަޖުންގެ 50 އިންސައްތަ މާކްސް އާއި ބެލުންތެރިންގެ 50 އިންސައްތަ މާކްސް އެއްކޮށްލުމުން ބައިވެރިންނަށް ލިބުނު ޖުމްލަ ޕޮއިންޓުގެ ތެރެއިން އެންމެ ގިނަ ޕޮއިންޓް ލިބުނު 6 ބައިވެރިންނެވެ.
މިރޭގެ ޝޯވއިން ގާލާ ރައުންޑަށް ދަތުރުކުރި 6 ބައިވެރިންނަކީ:
- އަޙްމަދު ނަބީލް މުޙައްމަދު
- ޙަމޫދު އަޙްމަދު
- ޙަސަން އިރުފާން
- އަޙްމަދު ފަރާޝް
- އައިޝަތު ޖައިޝާ ވަޙީދު
- ޢަބްދުﷲ ހިޝާން
މިރޭގެ ޝޯވއިން މި މުބާރާތާއި އަލްވަދާއު ކިޔާފައިވާ 2 ބައިވެރިންނަކީ:
- އަޙްމަދު މާއިޝް ނިޔާޒް
- ޙުސެއިން ސަމާޙް img:http://s2.psmnews.mv/images/660x400/14880487248686.jpg|އައިޑަލްގެ މިރޭގެ ޝޯވއިން ވަކިވި 2 ބައިވެރިންކަމުގައިވާ (ވ) ސަމާޙް އަދި (ކ) މާއިޝް
ރާއްޖޭގައި ބާއްވާ އެންމެ އަގުބޮޑު ރިއަލިޓީ ޝޯވ މޯލްޑިވިއަން އައިޑަލްގެ ޝޯވތަކަށް އާއްމުންގެ ފަރާތުން ބޮޑު މަޤުބޫލުކަމެއް ލިބެމުން އަންނައިރު، ޝޯވގެ ފޯރި ދުވަހެއް ދުވަހަކަށް ގަދަވަމުން އަންނަކަންވެސް ފާހަގަކޮށްލެވެއެވެ.