ގއ.ވިލިނގިއްޔާއި ދ. ކުޑަހުވަދުއާއި، ތ. ވިލުފުށީގައި ސަރުކާރުން ހިންގަވާ މަގު ހެއްދެވުމުގެ މަޝްރޫޢުގެ މަސައްކަތް، މިމަހުގެ ތެރޭ، ނިމޭނެކަމަށް އެ މަސައްކަތާ ޙަވާލުވެފައިވާ ކުންފުނި އެމް.އާރ.ޑީ.ސީން ބުނެފިއެވެ.
އެމް.އާރ.ޑީ.ސީގެ މެނޭޖިންގ ޑިރެކްޓަރ ޢަބްދުއްރައްޒާޤް ޙަލީމް ވިދާޅުވީ، މި 3 ރަށުގެވެސް މަސައްކަތުގެ %99 ނިމިފައިވާކަމަށެވެ. ގއ.ވިލިގިލީގައި 15 މަގެއްގައި ތާރު އަޅައި ވަނީ ނިންމާފައެވެ. މިއީ ގާތްގަނޑަކަށް 64 މިލިއަން ރުފިޔާ ސަރުކާރުގެ ބަޖެޓުން ޚަރަދުކުރައްވާ މޝްރޫޢެކެވެ.
img:http://s1.psmnews.mv/images/660x400/14647722937678.jpg|ތ.ވިލުފުށި - ފައިލް ފޮޓޯ: ޕީއެސްއެމް
ދ.ކުޑަހުވަދޫގައި 13 މަގެއް ތާރުއަޅައި ނިމިފައިވާއިރު މިއީ ގާތްގަނޑަކަށް 80 މިލިއަން ރުފިޔާގެ މަޝްރޫޢެކެވެ. ތ.ވިލުފުށީގެ 9 މަގެއް ތާރުއަޅައި ވަނީ ނިމިފައެވެ. މިއީ ގާތްގަނޑަކަށް 62 މިލިއަން ރުފިޔާ ޚަރަދުކުރައްވައިގެން ހިންގަވާ މަޝްރޫޢެކެވެ.
img:http://s4.psmnews.mv/images/660x400/14696841932622.jpg|ގއ. ވިލިނގިލި / ފޮޓޯ: ގޫގުލްއާރތް
ރާއްޖޭގެ 15 ރަށެއްގައި މަގު ހެއްދެވުމުގެ މަޝްރޫޢު މިހާރުވެސް ސަރުކާރުން ކުރިއަށް އެބާގެންދަވައެވެ.