3000 އަށްވުރެ ގިނަ ދަރިވަރުންނާއެކު، ޖަނަވަރީމަހުގެ އެޑެކްސެލް އޭލެވެލް އިމްތިޙާން ރާއްޖޭގައި ފަށައިފިއެވެ.
މި އިމްތިހާނުގައި ރާއްޖެއިން ތިންހާސް ދުއިސައްތަ ނަވާރަ ދަރިވަރުން ބައިވެރިވެފައިވާކަމަށް ޑިޕާޓްމަންޓް އޮފް ޕަބްލިކް އެގްޒަމިނޭޝަނުން މަޢުލޫމާތުދެއްވައެވެ. މީގެ ތެރޭގައި ހިމެނެނީ ސްކޫލްތަކުގެ ކެންޑިޑޭޓުންގެ ގޮތުގައި ބައިވެރިވި ތިންހާސް ހަތްދިހަ ދެކުދިންނާއި އަމިއްލަގޮތުން ބައިވެރިވި ސަތޭކަ ސާޅިސް ހަތް ކެންޑިޑޭޓުންނެވެ.
ޖުމްލަ ތިރީސް ހަތް ސެންޓަރެއްގައި އޭ ލެވެލް އިމްތިހާނު ކުރިޔަށްގެންދަވައެވެ. އެއީ މާލޭގެ 5 ސްކޫލް ސެންޓަރާއި އަތޮޅުތެރޭގެ 30 ސްކޫލް ސެންޓަރަކާއި ޕްރައިވެޓް ސެންޓަރެއްކަމަށް ޑިޕާޓްމަންޓް އޮފް އެގްޒަމިނޭޝަނުން ވިދާޅުވެއެވެ. މި ފަހަރުގެ ޖެނުއަރީ މަހުގެ އިމްތިހާނުގައި ބައިވެރިވާ ދަރިވަރުންނަކީ 2015 ވަނަ އަހަރުގެ މެއި، ޖޫން ގައި ގްރޭޑް 11 ގައި ކިޔަވަން ފެށި ދަރިވަރުންނާއި އަދި މިދިޔަ އަހަރުގެ މާރޗްމަހު ގްރޭޑް 11 ގައި ކިޔަވަން ފެށި ދަރިވަރުންކަމަށްވެސް އެޑިޕާޓްމަންޓުން މައުލޫމާތުދެއްވައެވެ.
މިއީ ރާއްޖޭގައި އޭލެވަލްއަށް ކިޔަވާ ދަރިވަރުން ޖެނުއަރީމަހުގެ އެޑެކްސެލް އިމްތިޙާނުގައި ބައިވެރިވާނެ ފަހު ފަހަރެވެ. މިއަހަރުން ފެށިގެން މި އިމްތިޚާނު ދެން އޮންނާނީ ކޮންމެ އަހަރެއްގެވެސް އޮކްޓޯބަރާއި ނޮވެންބަރު މަހުގެ ތެރޭގައެވެ. މި އިމްތިހާން މި މަހުގެ 26 ވަނަ ދުވަހުގެ ނިޔަލަށް ކުރިއަށްދާނެއެވެ.