ދިވެހިރާއްޖޭގެ އިސްލާމީ ޔުނިވަރސިޓީގެ ކޯސްތަކަށް ހޮވިފައިވާ ދަރިވަރުންނަށް މޯލްޑިވްސް އިސްލާމިކް ބޭންކް، އެމް.އައި.ބީން ލޯނު ސްކީމެއް ހުޅުވާލައިފިއެވެ. އިސްލާމިކް ޔުނިވަރސިޓީން ހިންގަވާ 10 ކޯހަކަށް މި ސްކީމްގެ ދަށުން ލޯނު ދޫކުރައްވާނެ ކަމަށް އެ ޔުނިވަރސިޓީން ވިދާޅުވެއެވެ.
ސްކީމަށް ކުރިމަތިލުމުގެ ފުރުޞަތު މިމަހުގެ 22 ވަނަ ދުވަހާއި ހަމައަށް ހުޅުވާލެވިފައިވާއިރު ލޯނަށް އެދޭ ފޯމު އެ ޔުނިވަރސިޓީން ލިބެން ހުންނާނެކަމަށް އެ ޔުނިވަރސިޓީގެ ކަރުކިއުލަމް އިންސްޓްރަކްޝަން އެންޑް އެސެސްމަންޓް ސެޕްޝަލިސްޓް ޑރ. ޝަހުނީޒާ ނަސީރު ވިދާޅުވިއެވެ.
"މި ކޮޅުގައި ހުންނާނެ ފޯމުތައް ލިބެން. އެ ފޯމުތައް ސަބްމިޓްކުރާނީ އިސްލާމިކް ބޭންކަށް.އެހާ ހިސާބުން އިސްލާމިކް ބޭންކާއި ކެންޑިޑޭޓާއި ދެމެދުގައި މުޢާމަލާތްތައް ހިނގަމުންދާނެ." ޑރ. ޝަހުނީޒާ ނަސީރު ވިދާޅުވިއެވެ.
އިސްލާމިކް ޔުނިވަރސިޓީގައި ހިންގަވާ މަތީ ފަންތީގެ ކޯސްތަކާއި ބެހޭގޮތުން ޕީއެސްއެމް ނިއުސް އަށް މައުލޫމާތު ދެއްވަމުން، އެ ޔުނިވަރސިޓީގެ ކުއްލިއްޔާ އޮފް ޝަރީޢާ އެންޑް ލޯގެ ޑީން މުހައްމަދު ޝުޖާޢު ވިދާޅުވީ އެ ކޯސްތަކަށް ކިޔަވައިދެއްވުމަށް ބޭރުގެ ޔުނިވަރސިޓީތަކުގެ ތަޖުރިބާހުރި ބޭފުޅުން ވަޑައިގަންނަވާކަމަށެވެ.
"މާސްޓަރ އޮފް ކޮމްޕަރޭޓިވް ލޯސް ކުރިއަށްދާއިރު މި ދިޔަ ސެމިސްޓާރ އެކޭ އެއްގޮތަށް އިރާދަކުރެއްވިއްޔާ މި ސެމިސްޓާރގަވެސް މެލޭޝިޔާގެ އިންޓަރނޭޝަނަލް އިސްލާމީ ޔުނިވަރސިޓީގެ އަހުމަދު އިބްރާހީމް ކުއްލިއްޔާ އޮފް ލޯސްގެ ޕްރޮފިސަރުން ވަޑައިގެން މިކޮޅުގަ ކިޔަވައިދެއްވާނެ. އަޅުގަނޑުމެންގެ ބައެއް ލެކްޗަރަރުންނަކީ 3 ޕީއެޗްޑީ ހޯލްޑަރުން." ޑރ. ޝަހުނީޒާ ނަސީރު ވިދާޅުވިއެވެ.
އަންނައަހަރު، އެކި ދާއިރާތަކުން 33 ކޯސް ފެއްޓެވުމަށް އިސްލާމިކް ޔުނިވަރސިޓީ އިން ވަނީ ޢިއުލާންކުރައްވާފައެވެ. އޭގެތެރޭގައި ޕީއެޗްޑީގެ ދެ ޕްރޮގްރާމާއި މާސްޓާރސް ފެންވަރުގެ 6 ކޯސް ހިމެނޭކަމަށް އެ ޔުނިވަރސިޓީއިން ވިދާޅުވެއެވެ.