ކ. ގުރައިދޫގައި ހުންނަ، ޚާއްސަ އެހީއަށްބޭނުންވާ މީހުންގެ މަރުކަޒް ތަރައްޤީ ކުރެއްވުމަށް ކުރިއަށް ގެންދަވާ 10 މިނިއަން ރުފިޔާގެ މަޝްރޫޢު އަންނަ ނުވެމްބަރ މަހުގެ ނިޔަލަށް ނިއްމާލެވޭނެ ކަމަށް ހެލްތު މިނިސްޓާރ ވިދާޅުވެއްޖެއެވެ.
މިއަދު ބޭއްވި ރަސްމިއްޔާތެއްގައި ވާހަކަފުޅުދައްކަވަމުން ހެލްތު މިނިސްޓާރ ވިދާޅުވީ ޚާއްސަ އެހީއަށް ބޭނުންވާ މަރުކަޒް ވަރަށްބޮޑަށް ވީރާނާވެފައި ވަނިކޮށް ސަރުކާރުން ވަރަށްޚައްސަ އަހައްމިއްޔަތުކަމެއް ދެއްވައިގެން އެ މަރުކަޒް މަރާމާތު ކުރުމުގެ މަސައްކަތް ފައްޓަ ފައިވާކަމަށެވެ. މިމަސައްކަތް ނިމޭއިރު އެމަރުކަޒް ވެގެންދާނީ ފުރިހަމަޔަށް ޚިދުމަތްތައް ލިބެންހުންނަ، ހިތް ފައްސޭހަ ތަނަކަށް ކަމަށެވެ. އެ މަރުކަޒުގެ މަސައްކަތް ނިމޭއިރު މަރުކަޒުގެ ވެންޓިލޭޝަން ރަގަޅު، ޚާއްސަ އެހީއަށް ބޭނުންވާ މީހުންނަށް ސާފް ބޯފެން ލިބެންހުންނާނެ ތަނަކަށް ކަމަށް ވެސް މިނިސްޓަރު ވިދާޅުވިއެވެ. އަދި މިޔާއެކު ލުއި ފަސޭހަ ކަމާއެކު ތަނުގެ ތެރޭގައި ފޮރޮޅުލީ ގޮންޑީގައި އުޅެވޭނެ އިންތިޒާމް ވެސް ހަމަޖެހިފައި ވާނެކަމަށް މިނިސްޓާރ ބިދާޅުވިއެވެ. ސަރުކާރުގެ އަމާޒަކީ އޯޤަތެރިކަން ބޭނުންވެފައިވާ ފަރާތްތަކަށް ޚާއްސަ ސަމާލުކަމެއް ދެއްވާ އެކަށީގެންވާ ޚިދުމަތްތަށް ފޯރުކޮށްދިނުންކަމަށް މިނިސްޓަރު ވިދާޅުވިއެވެ.
ސިއްޙީ ދާއިރާއިން ރައީސް ޔާމީން ވެވަޑައިގެންފައިވާ 21 ވަޢުދުގެތެރޭގައި ހިމެނޭ އެއްމެ މުހިއްމު އެއް ވަޢުދަކީ، ޚާއްސަ އެހީއަށްބޭނުންވާ މީހުންނަށް އޯޤާތެރިކަމާއެކު ރައްކާތެރިކަން ފޯރުކޮށްދިނުން ކަން މިނިސްތަރު ފާހަގަކުރެއްވިއެވެ.
މިނިސްޓަރުގެ ވާހަކަ ފުޅުގައި ގުރައިދޫ މަރުކަޒަށް އެކި އެކި ފަރާތަކުން ދެއްވާ އެހީތެރިކަން ފާހަގަ ކުރައްވައި އެފަރާތަކަށް ޝުކުރު އަދާކުރެއްވިއެވެ.