މުއިވެޔޮ ފްރެންޑްސް އަތުން ޓީއެފްޓީއަށް ބޮޑު މޮޅެއް

އެފްއޭއެމް ތިންވަނަ ޑިވިޝަނުގައި ޓީއެފްޓީ ސްޕޯޓްސް ކުލަބް އަދި މުތްވެޔޮ ފްރެންޑްސް ބައްދަލުކުރި މެޗު، ތަފާތު ބޮޑު ނަތީޖާއަކުން ޓީއެފްޓީ ފްރެންޑްސް ކާމިޔާބުކޮށްފިއެވެ.

މާފަންނު އެއްނަންބަރު ޓާފްގައި ކުޅުނު މި މެޗު، ޓީއެފްޓީން ކާމިޔާބުކޮށްފައިވަނީ 0-8 ގެ ނަތީޖާއިންނެވެ.

މެޗު ފަށައިގެން ގިނައިރުތަކެއް ނުވެ، ޓީއެފްޓީން ވަނީ މުތްވެޔޮ ފްރެންޑްސްގެ ގޯލަށް ނުރައްކާކުރަން ފަށާފައެވެ. އެގޮތުން އެޓީމުން ވަނީ މެޗުގެ ފުރަތަމަ 10 ވަރަކަށް މިނެޓު ތެރޭ 4 ގޯލު ކާމިޔާބުކޮށްފައެވެ. އަދި، ފުރަތަމަ ހާފު ނިމުނުއިރު އެޓީމުން ވަނީ 7 ގޯލު ކާމިޔާބުކޮށްފައެވެ.

މިމެޗުގައި ޓީއެފްޓިއަށް އެންމެ ގިނަ ގޯލު ކާމިޔާބުކޮށްދީފައިވަނީ 5 ލަނޑު ކާމިޔާބުކޮށްދިން ބިދޭސީ ކުޅުންތެރިޔާ، އަބޫމޭ އެވެ. ބާކީ ތިން ގޯލު ކާމިޔާބުކޮށްދީފައިވަނީ، އަޙްމަދު ސުހައިލް އަދި އަޙްމަދު ވަޖީހުއެވެ. މީގެ ތެރެއިން ސުހައިލް ވަނީ 2 ގޯލު ކާމިޔާބުކޮށްފައެވެ.

މުޅި މެޗުގައިވެސް ފެނިގެންގޮސްފައިވަނީ ޓީއެފްޓީން މެޗު ޑޮމިނޭޓުކުރި ތަނެވެ. މުޅި މެޗުގައިވެސް އެޓީމުގެ ފަރާތުން މޮޅު ކުޅުމެއް ފެނިގެންގޮސްފައިވާއިރު، މެޗު އެއްކޮށް ކަހަލަ ގޮތަކަށް ކުޅެފައިވަނީ މުތްވެޔޮ ފްރެންޑްސްގެ ހާފު ތެރޭގައެވެ.